Details

Latitude

25.234

Longitude

96.9165

Start Date

2017-02-23

End Date

2017-02-23

Transcription (La Ring) Moi shawng e da hkanghkyi hte sharaw shan lahkawng gaw da manang re ai da. Shan lahkawng gaw da lani mi lani mi na shan ni tam sha tam sha rai na shan lahkawng gaw garan ni garan sha re shaloi wo ga gwi wa gaw da dai shan lahkawng dan re wo dai shan ni grai lu tam ai re majaw wo dai ga gwi wa gaw da akyang nkaja ai majaw shi gaw da dai hkanghkyi hte sharaw wa kaw sa na da "E manang ni e ngai ma nanhte ni hte wo dai arau tam sha na" nga shaloi hkanghkyi hte sharaw gaw "Mai ai mai ai mai ai" nga na hkanghkyi hte sharaw gaw shan yen hkanghkyi hte sharaw tam da ai shan ni nra ni hpe gaw ga gwi wa gaw da bai sha bai sha rai na shi gaw wo lani mi na aten hta gaw bai myit ai da. "E ngai gaw ndai nam kaw nga ai dusat ni na shan yawng sha ngut sai ngai nsha yu ai gaw hkanghkyi hte sharaw na shan sha re ai" nga na dai ga gwi wa gaw da akyang nkaja dan rai tsun tsun rai na she shi gaw myit ai. "Shan lahkawng na shan lu sha hkra ngai e dai shan lahkawng hpe wo dai wo dai pawt hkat hkra" nga na dan re majaw she shi gaw da hkanghkyi hte sharaw hpe she nre hku hkrai sha masu hkrai masu masu hkrai masu rai hkanghkyi hte sharaw gaw dai lana mi na aten hta wo lungpu na hpang de wo shan lahkawng gaw wo wa tsun sai da. "Nang ngai hpe nkaja ai tsun ai nre i" nga yang "Nre nre" nga na "Nang ma ngai na nkaja ai tsun ai n re i" nga "Nre nre" nga. Dai she hpawng jahpawt dai shan lahkawng gaw da wo dai amya hkat dan re ai shaloi da si mat ai zawn zawn rai na wo dai wo dai ga gwi gaw da sa wa sai da. "Um ngai gaw daini gaw ndai lahkawng na shan gaw lu sha sai" nga shaloi kalang ta hkanghkyi hte sharaw gaw kalang ta bai rawt na dai wa hpe ga gwi hpe sat kau na dai ga gwi na shan ni sha kau ya rai dai kaw ngut sai.

Sources