Details

Latitude

25.234

Longitude

96.9165

Start Date

2017-02-23

End Date

2017-02-23

Moi shawng ye da kahtawng langai mi kaw she da brang awng hte brang zet nga ai da. Shang lahkawng gaw grai hkau hkat ai da. Brang zet gaw da dusat ni hpe grai tsawra chye ai da. Brang awng gaw da dusat ni hpe n ra ai da. Htaw ai hte bye ai galaw na she shang lahkawng gaw da nam de wam hkawm ai shaloi she dai brang zet gaw she u wa sinkaw daw taw ai hpe mu re she shi hta la re she yi nang hpa na la ai ndai nta bungli sha shut bungli di re grai li ai bungli di re hkum la wa nang mara pi lu na ra ai ngu na tsun yang she brang awng gaw dai hku tsun re she brang zet gaw shi tsun ai ga hpe n madat na she la mat wa re she dai dai u hpe she da tsi ni chya ya tsi ni tsi yan she dai mai ai shat ni jaw sha re wa maw re she U gaw dai shi hpe gyi chyaung si langai jaw ai da. Nang ndai gyi chyaung si tum hpe la na hkai u da. Hkai na she hka ni jaw galoi shagu hka ni jaw tu wa yang ga yu u ngu tsun she shi gaw dai hku u jaw da galaw she hkai re she dai hku shi gaw shani shagu hka jaw re she dai hku si mung si na she shi gaw kun teng du she ga yu she shi gaw dai gyi chyaung si kata kaw she ja hkra hkra nga taw ai da. Ja hkra hkra re she shi gaw grai mau mat re she shi gaw yi ndai u na chyeju nan rai sai shi gaw dai ja hpe la na dut sha na shi lauban tai mat re she dai brang awng nga ai wa gaw shi hpe yi ndai ndai nye hkau ndai hpa na lauban mat ai n chye law san yu na re nga she brang zet gaw dai hku dai hku re na rai ai ngu na tsun dan re she hpang e shi gaw shi gaw shi mung sa mat wa re she dai hku shi mung lawhpa myit na shi mung sa mat wa re she shi gaw u hpe n mu re she dan re shi gaw lahpaw lang she U hpe gap dat ai gap yang she sinkaw daw re she u dai hpe woi mat wa hta mat wa re she u nang hpe ngai atsawm tsi ya na nang ngai hpe n chyaung si tum langai mi jaw yaw ngu shi gaw hpyi ai da. Shi gaw tsi mung tsi na mai da. Re she ndai tsi mai yang she dai hku she shi gaw wa maw yang she shi gaw hpyi ai da. Yi nang u nang i nang hpe ngai tsi mung tsi sai lu sha ni mung jaw sai ya nang ngai hpe n chyaung si tum langai jaw u ngu tsun yang she shi gaw jaw re she shi gaw dai hkai na she hka ni jaw re na kaba wa re she shi gaw di na di taw da she ga langai ga yu yang gaw n chyaung si rai taw ai da. N chyaung si langai bai ga yu yang gaw lagat hkrai lagat hkrai rai taw na she hpang jahtum ga yu yang gaw lagat shi hpe jawm lawa sat kau ai da. Dai majaw masha ni hpe nmai manawn ai.

Sources