Details

Latitude

25.234

Longitude

96.9165

Start Date

2017-02-23

End Date

2017-02-23

Transcription (La Ring) Moi shawng de da shan hkan hkau nga ai da. Shan hkau gaw da yi sa na she da yi kaw da tsing magang taw yang she dai shi kahkau wa gaw dai chyahkyi ngoi taw ai da. Chyahkyi ngoi jang she "E hkau wo kaw nam shalawng kaw chyahkyi ngoi taw nga ai le" ngu tsun ai da. Shi kahkau langai wa gaw tsun ai da "E moi na masha kaba ni tsun yang gaw da dan rai chyahkyi ngoi taw yang gaw nmai sa yu ai da" ngu tsun yang shi gaw da shi gaw shanang na sa yu mat wa rai yang she dai gat pru wa she nam sumwum kaw mako nga yang she dai chyahkyi hpe sha na matu nga dan rai yu taw yang she shi gaw "Chyahkyi e chyahkyi hpe lu hkam la sana" nga na shi gaw lu la sana nga na grai kabu taw yang she dai wa chyahkyi hpe ndai hku sa ahpum dat ai she dai chyahkyi mung tat mat na she lapu wa she "Ya ngai chyawm me masha kaba nan dan re masha nan lu sha sana re" ngu na tsun ai da. Ding rai she dai dang pai kaw she shi na wa ndai chyinghkyi zawn zawn re wa hte ndai hku gawa yang she ndai hku galaw yang she shi na ndai lapu wa she la ndai gaw "Yi ya ndai wa ngai hpe sha sana re majaw labu dai jang raw kau na re" ngu shi gaw raw kabai kau na she dai hku nan jang raw kau na she shi gaw labu nbu ai jang wa mat ai she lapu wa she "Yi daini gaw masha grai lu sha sana nga" shi gaw grai kabu she kabu taw ai she wa yu yang masha mung nre dang pai sha rai taw. Rai she wa rai she la dai she yi kaw nga taw yang she "Yi ya ngai mare de wa yang gaw labu nbu yang gaw e masha ni jaw kau na ra ai ngai grai hkrit ai ngai gaya ai" ngu tsun na she shi madu jan hpe nam wora nam dan re kaw na she shi madu jan hpe wa shaga ai da. "Hey nta nta na nnu na nnu nang na bunghkaw nang na bunghkaw la sa wa u" ngu tsun jang she shi gaw shi madu wa hpe "Hpabaw byin ai kun hpabaw mang hkang kun" ngu bunghkaw mung la sa yang she madu wa she yi wa kaw she labu nbu na nga taw rai shi madu jan she kajawng ai da. Kajawng yang she "Yi ngai dai hku dai hku rai na" rai taw ai majaw shi gaw dan rai dang pai mung lapu la mat wa dai majaw shi gaw dai bunghkaw she ding rai shi gaw dai bu na wa mat rai yang she mare kahtawng na ni she "Hey wo yu mu num ni na bunghkaw she wo labu shatai nga ai e mau hpa wa langai mi re" nga tsun jang she shaloi gaw shi gaw gaya mung gaya na she shi mung nta kaw gaya na she ya na shi gaw da ndan re mang hkang ni nbyin hkra da grai sadi mat ai da.

Sources