Details

Latitude

25.234

Longitude

96.9165

Start Date

2017-02-23

End Date

2017-02-23

Moi kalang mi hta da ndai u hka yan nu ni hte u tawng yan nu ni gaw grai jinghku grai jinghku hku na shang nu shang lahkawng gaw grai manang ai re da grai tsaw ra hkat ai shang lahkawng gaw kasha ma langai langai lu ai da shang lahkawng gaw dai hku re nga re na she lani mi na aten hta she ndai e u hka gaw grai lagawn ai da nau lagaw na she shi gaw u tawng tam wa ai shat ni sha sha ai da shi gaw n sa tam da u tawng sha tam ai hpe sha sa la sha la sha re na she lani mi na aten hta gaw ndai u tawng gaw tsun ai da e an lahkawng laga ga she nga sa ga nang mung kasha lu ai ngai mung kasha lu ai dai majaw nang na nang tam sha mat sa nu ngu tsun ai shaloi she dai u hka yan nu mung laga de nga mat sai da. U tawng yan mung mu laga de nga mat re jang she ndai e e u tawng gaw u lu sha tam nga na hkawm da ndai u hka mung shi bai u lu sha tam nga na she hkawm re ai shaloi shang lahkawng gaw hkrum ai da nan ndai nam maling langai kaw hkrum re ai shaloi she e u hka ye ngai dai na gaw nsin grai sin na maw sai dai majaw nang ndai ndai lu sha nye kasha hpe wa jaw ya yaw ngu tsun ai da. Dai shaloi she oh ra u hka gaw ngai na kasha hpe n matsing sai gaw ngu tsun ai da. Dai shaloi she oh ra u tawng gaw ndai anhte dai hku u amyu ni hta na i tsawm dik htum ai gaw nye kasha rai sai dai kaw nang wa yu yang grau tsawm ai mung nye kasha rai sai rai jang dai grau tsawm ai hpe nang wa dai hpe dai wa hpe nang wa jaw dat ya u ngu na tsun ai da. Dai shaloi dai u hka gaw dai u tawng jaw dat ai e shat mung hpai e dai shi kasha hpe i ah nu dai na n lu wa sai lam ni tsun dan dat ai da. Dai yang she dai u hka gaw e dai u tawng jaw dat ai shat wa lang re na she oh pyen wa pyen wa re gara hpe wa yu tim mung tsawm ai mung n mu da shi gaw gara hpe sa yu gara u hpe sa yu tim mung tsawm ai mung n mu ai da nmu na she shi gaw hpang jahtum she e shi kasha hpe wa yu yang she shi wa grau tsawm mu taw da. Shi kasha hpe she grau tsawm mu taw re na she shi gaw dai shi kasha hpe wa wa jaw sha kau ai da. Dai shaloi she oh ra u tawng gaw i e wa sai da. Wa re na shi kasha hpe wa san ai da wa sa yang shat n wa jaw u ngu tsun yang n wa jaw ai ngu tsun ai shaloi shi gaw dai u hka hpe she sa san re nang hpa majaw nye kasha hpe shat n wa jaw sha ra ai rai ngu na san ai shaloi she nang grau tsawm ai hpe wa jaw u ngu tsun dat ai ngai wa yu yang gaw gara mung tsawm ai n mu ai nye kasha sha re tsawm dik htum gaw ngai yu dat yang gaw nye kasha sha re yawng hta tsawm dik htum gaw e nye kasha sha rai taw ai dai majaw ngai nye kasha hpe sha jaw sha kau sai ngu tsun ai da. Dai shaloi dai u tawng gaw grai pawt mat wa ai da. Dai majaw anhte shinggyin masha mung i tinang kasha hpe gaw kade ntsawm tim mung e tsawm mu ai le masha ni na kasha kade tsawm ai nga tim mung tinang na kasha hpe gaw ntsawm ai nga tim masha ni ntsawm ai nga tim tinang gaw tsawm mu ai da.

Sources