Details

Latitude

25.234

Longitude

96.9165

Start Date

2017-02-23

End Date

2017-02-23

Moi kalang mi hta da ndai mare kasha mare kahtawng langai mi kaw da grai tsit la li ai da shi gaw dai dai dai mare gaw da grai pyaw ai shara re da. Hpun kawa ni e hka shin hkan mung nga mung grai law ai grai tsit la li ai da. Bum hkan ni nga yang mung dusat yam nga ni u myu hkum hkra ni nga ai shara re da. Dai mare kaw na mare masha ni mung dai kaw na maisat mailung hpun kawa ni nga ai di re du tsun ga nga yang shira tara ni e grai tsawm ai re majaw dai kaw nga ai mare masha ni ma grai ngwi pyaw grai simsa ai da hkam kaja lam ni ma grai lu ai re da shanhte ni dai mare wa she lani mi na aten hta gaw ndai grai lawhpa ai lauban langai wa she jahte lauban langai wa she dai mare kaw du shang wa ai da. Du shang wa re ai shaloi she dai mare hpe yu dat ai da shi gaw yu re na she bum hkan ni yu dat nan hka shin hkan yu yang mung koi nga ni grai nga da nga ni grai nga bum hkan yu yang mung hpun kawa ni grai nga ai da. Shi gaw kalang ta shi na myit kaw she grai lawhpa ai myit pru wa ai da. Ngai n dai mare kaw du jang n dai mare kaw sa nga masu na ngai chyawm mi ndai kaw hpaga ga na re ngu na shi myit kau ai da. Kalang ta myit na she dai mare kaw shi htawt sa wa ai da. Htawt sa wa dai lauban wa gaw dai jahte wa htawt sa na she dai mare masha ni yawng hpe shi gaw sa e zahpaw kau na she dai bum kaw na maisat ni aw hpun ni di re hpun ni yaw shawn dut sha kau woi da. Rai na she hka hkan na nga kasha ni nga ni hpe mung yawng woi hkwi sha da bawng ni kabai na she yawng woi kabai sha rai jang dai kaw na dusat u myu hkum tsum hpa u ni gaw hkrit na she yawng hprawng mat ai da. Hprawng mat rai jang she dai mare gaw grai hkrun hkraw ai mare tai mat wa ai da. Hkrun hkraw ai mare tai mat wa rai jang she e lani mi na aten hta gaw e ndai nbung laru kaba wa ai da. Nbung laru kaba wa rai jang she dai mare kaw na masha ni gaw grai jam jau mat wa ai da. Majoi she jam jau mat wa rai jang she shanhte gaw e dai shaloi she grai hkrit gari mat na she shanhte gaw i ndai mare kaw gaw n mai nga nmai nga sai ngu na she dai mare masha ni gaw yawng hprawng mat wa ai da. Yawng htawt mat wa dai kahtawng kaw na yawng htawt mat wa ai da. Dai shaloi she oh ra e dai mare kaw na hprawng kau da ai u myu sumhpa ni dusat dumyen ni gaw e shang wa na she e ya anhte ni gaw ndai mare hpe bai moi na zawn zawn bai pyaw na matu anhte ni lama mi ladat gaw galaw ya sai ngu na she dai kaw na hpaji rawng ai ndai u hku wa gaw yawng hpe shaga ai da. U myu sumhpa ni hpe shaga na zuphpawng galaw ai da. Zuhpawng galaw na she anhte ni ya moi na zawng ndai mare tsit la li na matu e grai pyaw na matu anhte hpabaw galaw na rai lama mi gaw galaw ra sai ngu tsun ai shaloi shanhte gaw hpun ni hpe hkai na matu shanhte yawng sa hpaw hkat ai da. Dai shaloi she dai dusat dumyen ni gaw langai wa gaw hpun hkai langai wa ali gat ali di re ti atum ni hkai di na she langai gaw hka jaw ya dai hku di na she shanhte ni dai hku rai galaw re na she mi na zawn zawn i hpun ni grai bai kaba wa re na she dai dusat dumyen ni gaw dai kaw pyaw pyaw re na nga ai da. Dai kaw shanhte gaw laika bai shakap kau ai da. E ndai mare kahtawng kaw e lawhpa myit rawng ai ni e nmai sa na ngu na laika ni ma shakap kau ai da re na she ndai hka hkan ma e nga ni nmai kabai sha na ngu na dai laika ni shakap kau ai da shanhte ni dai dusat ni dai kaw na ngwi ngwi pyaw pyaw lu nga mat ai da.

Sources