Details

Latitude

25.234

Longitude

96.9165

Start Date

2017-02-23

End Date

2017-02-23

Moi kalang mi hta da ndai kahpu kanau shang nau lahkawng nga ai da. Shang nau gaw kanu kanu hte nga re kanu si kau da re ai majaw shang nau gaw shang nau dai nta kaw lu ai shang nau gaw ndai gumra lawze lahkawng lu ai da. Lawse lahkawng lu dai lawze gaw ahpraw hte achyang re da. Dai yang shang nau gaw garan hkat ai da. Kahpu wa gaw lawze achyang la ai da. Kanau wa gaw ahpraw la re na she shang nau gaw mungdan laga ga hka mat wa ai da. E shang nau gaw ndan ma langai hpra dai gumra ma langai hpra e rai nga ai le langai hpra re na she shang nau hka mat wa re jang she e ndai kahpu wa wa-ang ai mungdan gaw grai hku hku ai da. E lu sha ni grai hpang ga ra ai mungdan kaw ang ai da. Ndai wa wa ang wa nga ai mungdan kaw gaw e hkawhkam ni grai lusu ai ding re mungdan kaw ang ai da. Dai shaloi shang nau gaw sha da da e kade myit hkat tim mung shang nau wa kadai dai hku htinglu htinglai tsun hkat na shara ma kadai manang ma n nga ai da. Dai shaloi lani mi na aten hta she ndai shi kanau gaw e ndai u hka u hka hpe she samyit samyit nga kun jaw dat ai da. Samyit nga kun wa she sa dat ai da. Ndai shi kahpu hpe she sa dat re ai shaloi she shi kahpu gaw e oh ra mungdan de na jaw dat ai re ngu u hka wa jaw re ai shaloi she aw nye kanau i ngai hpe grai masin masin kaw grai naw myit dum nga ai lam re ngu na shi gaw chye la ai da. Dai shaloi she hpang kalang gaw um hpa baw nga kun aw ri tawng nga kun bai jaw dat ai da. Shi kanau gaw bai jaw dat re ai shaloi she um ndai kahpu wa gaw shi kanau shi hpe grai naw myit dum ai lam hpe shi chye la ai da. Chye la rai jang she e hpang yi gaw ndai shi kahpu ni na mungdan kaw gaw hku hku re na shat grai n lu sha ai da. Nlu sha re jang she shi kahpu gaw ndai mam mam n sen i dai mam nsen le mam nga tim tum n rawng ai dai baw sa makai na she jaw dat ai da. Jaw dat re ai shaloi she ndai u hka gaw shi kanau hpe wa jaw ya ai da. Wa jaw ya shaloi yu dat ai hte mam nsen rai taw ai da. E ndai nye hpu gaw shat n lu sha na grai kawsi hpang ga ra hkum nga sai ngu nbyin sai ngai hkyen la ra sai ngu na she shi gaw kalang ta shi na mungdan kaw nga ai dai shi wa nga ai dai kaw na dai hkawhkam wa hpe tsun dan na she dai shi hpu hpe she wa woi wa woi la ai da. Dai shi nga ai hku n hku ai mungdan dai maga de shi woi la na shi hpu hpe shi shi hpu hte shang nau pyaw pyaw re na dai maga de nga mat ai da.

Sources