Details

Latitude

25.234

Longitude

96.9165

Start Date

2017-02-23

End Date

2017-02-23

Transcription (La Ring) Moi shawng e da nam maling kaw grai nhkru nkaja ai sharaw nga ai da. Shi gaw e dai hku dusat dumyeng ni hpe rim sha rim sha di ai i. Lani mi shi gaw ndai shan nga kaba law sha hkrup ai. Sha hkrup ai shaloi nra dang mat ai da i. Nra dang mat na shi gaw matsan mayen rai na hpa shat sha mung nlu sha na kaw si na dai nhkun kaw na pru na she shi gaw hpun kaw she dung na dai hku nga rai yang she grai matsan dum si na zawn zawn rai nga ai shaloi dai kaw e u hka wa mi she mu ai da. Dai kaw mu na ning ngu tsun na hku nga nang e u hka gaw ning ngu tsun ai da. Nang e nang u hka ndai hku tsun na hku nga nang e "Sharaw nang hpabaw byin taw nga rai" ngu tsun ai shaloi "Ngai gaw n-gup kaw nra dang taw nga ai" ngu tsun ai da. "E ngai shaw kau ya na nang ngai hpe hkum sha yaw" ngu tsun yang "E" ngu tsun yang she shaw kau ya ai da. Shaw kau ya ai shaloi wa mi she "E hkum sha yaw" ngu tsun ai wa shi gaw ning nga n-gup mahka na she dai nra dai kaw shaw ai da. Shaw na "Hkum sha yaw" nga majaw dai sharaw dai mung nsha ai da. Pyen mat wa pyen mat wa na ning ngu ai da "Nang kaw ngai lani mi bai lani mi bai nang kaw bai ngai chyeju bai nhtang na yaw" ngu da. "E" ngu ai da u mung "E" ngu na pyen mat wa ai da. Pyen mat wa ai hpang e sharaw gaw dai sharaw gaw shaga na tsun na hku nga "Nang nang ngai kaw lani ni bai chyeju nhtang na nga ai nang gaw ya galoi nhtang ai rai" ngu myit chyam chyam dat yu yang dai "Nang kaw ngai nhtang sai re nang dai ngai na nra shaw ya ai shaloi nang hpe ngai nsha ai gaw dai nang hpe ngai chyeju nhtang ai hte bung ai le" nga na dai kaw dai shan lahkawng yen tsun hkat ai ga kaw she dai prangtai gaw na ai da. Prangtai gaw na na she ning ngu ai da "Dai ram ram she akyang nkaja ai sharaw gaw ya na nang sharaw hpe mu yang mung nhkrit sanu yaw" nga yang "Hpa nra law prangtai e nang kaw mung na nu yan na wa shaga taw nga sai wa sanu" ngu na dai kaw maumwi ngut mat sai da.

Sources