Details

Latitude

25.234

Longitude

96.9165

Start Date

2017-02-23

End Date

2017-02-23

Transcription (La Ring) Moi shawng e da jaugawng langai nga ai da. Shi gaw da e shi gaw da ndai shani shagu shan wa gap sha sha re ai da. Lani mi gaw da shi shan wa gap sha ai da law. Shi shan wa gap sha ai shaloi she da dai mare dai e mare hte nam ngu na lapran kaw hka lwi ai da. Dai hka kaw wa mi she gwi langai mi nga na hku nga. Gwi dai gaw da matsan mayen re ai da gwi kasha dai gaw. Hpye ma hpye hkang hkrai hkrai rai na matsan mayen re kadai mung nra na dai kaw kabai tawn da ai gwi hpe shi gaw mu na she grai matsan dum na she nta de woi wa na she tsi ni ma tsi ya shat ni mu mu mai mai jaw sha re shaloi she e dai hku jaw sha ai shaloi gwi dai gaw je hte je kaba kaba rai na hpang e gaw grai kaba mat di shi hte shan gap hkan nang ai da. Hkan nang re shaloi gwi dai gaw dai hku manam ma grai chye manam ai da shan hpa nga nnga ma grai chye manam ai da. Dan rai she shi gaw e gat ma grai gat chyang ai da. Dai majaw da nnan e gaw nnan e gaw shan nga ni kachyi chyi sha law ai sha lu ai da hpang e gaw dai gwi dai rai jang gaw shan nga ni kaba ba law ai ni grai lu wa ai da. Dai grai lu wa na dai hku rai na nga ai shaloi wa she ndai hku sha nga ai shaloi lani hte lani gwi dai gaw kaba kaba rai hpang e jang gaw gwi dai gaw dingla mat ai da. Dingla mat na myi mung nmu mat ai da. Myi mung nmu mat re shaloi gaw shi gaw dai hku dung sha ai sha dai hpan rai mat na dai jaugawng wa shi gaw nra mat ai. Nra mat na htawng ni htawng dai hku kam ai hku zingri sha ai da. E shan gap sa timung gai n-gat chyang wa ai da. Dai majaw jaugawng wa gaw shi gaw nra mat na she kabai kau da ai da lani mi shan gap sa masu su na she nam kaw kabai kau da ai shaloi gaw gwi dai gaw da dai majaw shi gaw ndai hku nga hkawm nga hkawm re she sharaw langai mi mu ai da. Grai nju ai da dai jaugawng dai hpe grai nju ai da. Grai nhkru nkaja ai da sharaw dai gaw dai nam kaw na grai nhkru nkaja ai re nga jang she dai sharaw gaw "Ngai sha na shan kaw sha kau ya ai, ngai sha na shan kaw gap sha kau ya ai nan hkawng yen kaw ngai bai sha na nan hkawng yen kaw na" nga na gwi kaw shawng sha maw ai da. Gwi kaw shawng sha maw ai majaw gwi gaw dai kaw chye na she shi gaw dan re sharaw hpe hprawng hkawm ai nga na she hpun du kaba law re dan re kaw makoi na nga ai da. Dai kaw makoi na nga ai shaloi she lani mi she lani mi she jaugawng wa shan gap sa ai da. Dai sharaw wa gaw jaugawng wa hpe sha maw ai da. Jaugawng wa hpe sha maw ai shaloi gaw dai gwi wa gaw dai hpe chye na she um wau dat ai da "Wau wau" nga na. Wau dat ai shaloi she dai jaugawng wa "Aw nang i ngai na shan kaw nang jahhprawng kau ya ai" nga na gap sat kau dat ai da. Gap sat kau dat ai shaloi gaw dai sharaw mung "Rai sai ya chyawm me jaugawng wa hpe mung mai sha sai" nga na dai jaugawng wa kaw sha kau ai da.

Sources