Details

Latitude

25.234

Longitude

96.9165

Start Date

2017-02-22

End Date

2017-02-22

Moi shawng de ya lawhpa myit nrawng ai wa hte law hpa myit rawng ai ngu ai hpabaw hpe tsun ya ngai tsun na aw chye rai nga ai le. Moi shawng de da la langai mi hpun hta sa wa ai da ma dai um shabrang ma re ai ga rai nga la dai wa she hpun hta sa wa re she hpun hka kau kaw na hpun kaw she shi hpun sa kyan nga ai da. Hpun sa kyan nga dingwa hte hpun sa kyan nga re she shi gaw um ndu shamyi dai hku kyan chyu kyan taw nga ai da. Dai she kyan re she dai ding wa wa she shi na dingwa hka kata de wa she tak bang kau ai da yaw tak bang kau re she shi wa she um yi ngai ndai dingwa langai hte she hpun hta sa re ya hpun kyan na ya hpa hte kyan sa na ngu shi gaw myit na she dai hku mau let hkrap yawn grai yawn ai hku na hkap mau dung nga ai da. Rai she oh hka kata kaw na nat shayi she um ndai na dingwa n re ngu pru wa na she sa pya ai da. Sa pya na shawng n nan sa pya ai gaw um gumhpraw shawng sa pya ai da. Gumhpraw shawn sa pya re n re ai ngu tsun ai da. Hpang kalang mi ndai n re i ngu ja dingwa she bai pya yang gaw ndai ma nre ai ngu tsun ai da. Hpang kalang bai shang wa bai sa shaw pya yang gaw shi na gaw magyi rai na hku nga e ndai she re nye na gaw magyi re ngu tsun ai da. Aw ma nang gaw um myiy san seng ai myit masa hkat a hka ngu na nang gaw myit tsawm ai majaw dai hku myit rai nga ai ngu hkat ai ma she re nga kaja ai ma she rai nga ai ngu shi na um gumhpraw hte dai ja dingwa hte gumhpraw dingwa magyi dingwa yawng gaw masum hten shi hpe jaw dat ai da. Jaw dat re she shi nta de dai hku chyeju dum ai lam tsun na she la mat wa sai da. La mat wa re um mare du yang she manang ni grai hkap mau ai da. Koi nang dai ram n lu ai ya nang din re kadai jaw dat ai gara hku kaning byin ai ngu na she um tsun ai da. Manang ni san na tsun dan ngai dai hku dai hku re na um hpun sa kyan nga yang tak jahkrat kau yang she nat ni dai hku shawn jaw ai hpa-nya garum dat ai ngu tsun dan ai da. Dai hpang ye gaw oh ra myit n tsawm ai wa law hpa myit rawng ai wa gaw bai shi na atuhku ai hku na she bai sa di sai da. Pru wa re ndai na na n re i ngu re re ngu tsun ai da. Oh ra wa mung ja dingwa bai pya yang mung re ngu tsun ai da. Magyi pya yang mung re ngu tsun ai da. Re gaw maw ngu yawng jaw dat yang she shi na nan gaw um gara mung ra gara mung ra re lawhpa myit rawng ai wa re hka ngu na she um dai hku tsun na jaw ai hpang e shi na hpa mung n jaw dat ai da. N jaw dat shi na ayin mung mat mat rai nga le shi na arai mung mat mat re hpang jahtum yi shi shi la sai ai mung sum kau re dai kaw shi hkrat sum mat ai re da law. Lawhpa myit rawng ai wa rai mat ai da.

Sources