Details

Latitude

25.234

Longitude

96.9165

Start Date

2017-02-22

End Date

2017-02-22

Moi shawng de da gwi kanu dai wa she kasha um gun wa ai shaloi she shangai wa re yang she masha lahkawng wa she lu wa ai da. Ma kaw ma lu ngu ai ngwi um kasha lahkawng wa she sha mying da ai da. Re she ma kaw ngu ai wa gaw oh dai hku re nga kaba wa yang she masha ni tsaw ai ra ai nga mashe num wa mat sai da. Oh kahtawng langai mi kaw num wa mat re shi gaw loi mi lusu na hku rai nga lusu ai kaw lu wa ai da. Dai ma kaw wa gaw lusu ai kaw wa dai ma lu wa mung um shara shang nau gaw kahtawng langai langai ding re num wa na hku rai nga re she ma lu wa mung loi mi ma lu wa gaw loi mi loi mi matsang ai kaw ngu ga dai kaw wa ai da. Shang nau lahkawng num wa mat re shi gaw kanu ngu ai shi chyu nga ai da. Shi chyu matsan mayen re kasha yan lahkawng sha lu num wa mat re she shi chyu nga re she lani mi gaw kanu gaw kasha yan hpe dum wa ai da. Yi nye kasha ni gara hku re nga ai kun ngai gwi wa um masha shinggyin masha lahkawng wa lu wa ai gaw um nye kasha ni hpang de she sa yu ga ngu sa jahkrum na re ngu ma kaw wa hpang de shawng sa wa ai da shi dai wa hpang de shawng sa re she um sa wa re gaw dai chyinghka lam kaw na dai nta ma kaw nta ni gaw loi mi lusu re majaw gaw um dai la ni mung dai hku shinggyin masha dai hku lu da ai le gwi wa lu da re nga n chye shangu mayu ai le dai ma kaw wa gaw rai jang she sa wa ai da kanu oh ma kaw dai shi kasha shawng lagu mu ai da. Oh nye nu sa wa ai ndai nye nu ngu tsun dan yang gaw shanhte ni nye jawn na tsan ai ngai gaw hkrit kaya ai ndai gau kau yang she mai ai ngu na she shi shawng mu na e gwi wa su um gara kaw na gwi shadam kun ngu na she gara kaw na gwi sa wa kun matsat ai hpa-nya ngu na she gau dat ai da. Nhprawng hkraw ai da ngai na kasha ngai na nu re le nye kasha nan ngai ye kanu hpe dai hku gau nmai hpa-nya ngu tsun ai da. Reng she nang gaw gwi she re wa su ngu na she gau dat yang wa n hkraw re she dai hku ngoi taw ai da. Re dai hku tsun taw re she wa mung n hkraw ai gaw ngu na she hpun tawng she sa kabai dat ai da. Dai kabai dat she dai kanu na lagaw kaw hka mat ai da. Re she hteng htu re wa mat she htaw shara mi de kanau hpang de bai sa ai da. Kanau hpang de bai sa wa re she ndai hku hteng htu na sa mat wa yang she dai ma lu wa mung mu dat ai da. Yi nye nu sa wa ra ai dai wa gaw atsawm akaw alaw ngu na hkap tsun ai da. Yi nye nu sa wa u sa wa u um ya dai lagaw kaning re machyi ai wa di re byin wa ai i hpabaw re na byin ai ngu na hkap tsun ai da. Re she di nga tsun re she yi na shawng ngu na ma kaw wa um nu hpe nan zawn re ai wa ai ngu na dai hku gau kabai dat ya re na shawng kabai dat ya ai re ngu na tsun ai da. Yi yi nu kaning re tim tinang hpe shangai dat ai kanu gaw kanu sha re dai majaw um nan nye nta kaw sha nga ga nu ngai kaw she nga ga i ngu na she shi hpe atsawm sha di na la bau kaba bau maka sat kau ai da. Shi hpe mau mwi gaw ndai kaw rai sai.

Sources