Details

Latitude

25.234

Longitude

96.9165

Start Date

2017-02-22

End Date

2017-02-22

Moi kalang mi hta da i grai dai i grai lauban ai dai la e hkan wa lahkawng nga ai da. Dai la dai dingla wa gaw i kasha langai ma nga ai da. Dai num sha hpe she mare kaw na i dai re la kasha ni gaw ra ai da. Rai tim mung shi hpe gaw kadai mung n gwi tsun ngwi hpyi ai da. Dai she kalang mi na aten hta gaw da la langai mi langai mi dai wa hpe ra na she wa tsun ai shaloi she da i um wa tsun ai da. Dai shaloi she nang i nye kasha hpe ra yang gaw da i nang sumshi ning mayam yam u ngu dai hku tsun ai da. Dai shaloi she dai la gaw i dai la gaw i shi ra ai re nga mayam yam ai da. Mayam yam re she sumshi ning du yang she shi gaw i rai sai ngai mayam yam ai gaw sumshi ning du sai i ya na kasha hpe jaw sa nu ngu tsun ai da. Dai shaloi she dai la gaw i mai ai nga na she shi kasha hpe n jaw dat ai nga yambu bu dai re yambu langai hpe jaw dat ai da. Nang ndai yambu hpe da i nta n du yang hkum hpaw yu yaw lam kaw re hpa mi byin tim hkum hpaw yu nta sha n du yang hkum hpaw yu ngu dai hku tsun ai da. Dai shaloi she dai la mung e ngu na she dai hku hkawm she shi mung n hpaw yu ai da yaw nhpaw yu na dai hku di tim hkawm ai da. Hkawm re ai shaloi she lam kaw du she dai yambu kata kaw na nsen ga shaga wa ai zawn nga i nsen langai mi na she um grai ba sai i dai hku ni n sen na she shi gaw yambu she jaw dat ai wa ndai hpa byin ai i ndai kata kaw gaw rawng na re ngu dai hku tsun ai da. Dai shaloi shi gaw nta du yang she hpaw yu na re ngu na shi gaw bai hpai hpang kalang mung dai hku sha na na shi gaw n lu sharang na she kalang ta nan kaji mi sha kalap hpaw yu dat ai hte yambu dai gaw ga mat ti na i kalang ta dai yambu kaw na num kasha gaw i dai hku pru mat ai hte kalang ta nan dai re i myi hprap byin mat ai da.

Sources