Details

Latitude

25.234

Longitude

96.9165

Start Date

2017-02-22

End Date

2017-02-22

Moi shawng de hkawhkam wang langai mi kaw shang nau ni masum hte kawa hte shang shang wa ni mali nga ai da. Mali nga ai shaloi she dai hkawhkam wa gaw lani mi na aten hta shi myit ai da. E nye kasha ni hpe ngai na e hkawhkam wang ndai madu na hkawhkam tai na matu langai mi gaw lata rai sai ngu tsun ai da. Dai hkawhkam hkan nau ni gaw hpaji ma grai chye ai da. Dai hku re shaloi she lani mi na aten hta gaw kawa gaw tsun ai da nan nau ni e ngai ngai ngai kaw hkan nan mu yaw ngu tsun ai da. Dai she hpawt ni gaw ndan ma hpai na ngai kaw hkan nan mu ngu tsun ai da. Hpang shani she kawa gaw woi sa sai da kasha ni marai masum hpe ma woi shaga na sa she hkau na pa langai kaw du ai da. Hkau na pa langai kaw du ai shaloi she hpun langai tu ai da. Hpun langai mi tu ai shaloi she oh ra hpun kaw yu yu mu nan nau ni dai kaw hpabaw dung nga ai rai ngu she u langai mi dung nga ai ngu tsun ai da. E dai u hpe ngai ra ai gap ya mung ngu tsun ai da. Dai loi she grai ma gam wa nang shawng gap yu u ngu tsun ai da. Dai shaloi she ma gam wa gap na matu ndan ni nga shachyen ai shaloi she e e hkum rai shi hkum gap yu shi ngu tsun ai da. Dai shaloi ma gam wa ndan bai jahkrat nang hpun oh ra kaw hpabaw mu ai rai ngu tsun da. U ma mu ai hpun ma mu ai hkauna pa ma mu ai oh lamu ma mu ai ngu tsun ai da. Dai shaloi e rai sai ngu tsun ai da. Grai ma naw wa bai gap u ngu tsun ai da. Ma naw wa bai tsun sai da ma naw wa mung tsun sai da. Ah wa ngai ngai gap hkyen ai shaloi she nang dai hpun kaw hpabaw mu ai rai ngu she hpun ma mu ai da u ma mu ai da ah wa na ma mu ai ngu tsun ai da. Dai shaloi she grai ma la wa bai gap u ngu tsun ai da. Ma la wa bai shachyen e hkum gap yu shi nang dai hpun kaw hpa baw mu ai rai ngu tsun ai da. Dai ma la wa ndan n jahkrat kau ai da. Gan na she e ngai hpa ma n mu ai da ngai mu ai gaw u hte hpun sha mu ai ngu da u kaw pi naw u na matsin salum kaw gap yang si na re ngu dai sha mu ai ngu tsun ai da. Dai hku ngu na ndan gap dat ai da gap dat re ai shaloi she ndai u na matsin salum kaw hkra na u dai hkrat mat ai da. Dai shaloi she wa sai da shang wa ni wa sai da rai sai ngu na wa ai da. Wa na she e shang nau ni masum hpe tsun ai da. E kawa na myit kaw she hpa mi nga nga nye kasha ndai kaji ai wa gaw daw dan ai gaw hkrat ai ndai ram re e hpaji rawng yang she ngai na mungdan lu up na re ngu na she e kasha wa dai kaji ai wa hpe shi na mungdan up na matu i ahkan jaw kau ai da.

Sources