Details

Latitude

25.234

Longitude

96.9165

Start Date

2017-02-22

End Date

2017-02-22

Moi shawng de da mare langai kaw lalaw ma ni shang nau ni marai shi nga ai da. Marai shi nga she shang nau ni gaw shani shagu hpa bungli ma n galaw da dai hku sha nga ai da. Dai hku sha nga yang she shang nau ni sha ai maza ni dai hku sa ai maza ni gaw dai dinggai jan na wang de sha shani shagu dai hku gabai bang ai da. Gabai bang gabai re dinggai jan gaw hpa mung ntsun ai da. A gatsi nu ai da. Dai she dai dinggai jan mung e dai shang nau ni gabai bang bang re ai dai maza hpe she atsawm sha gahkyin la na she nat kau ai da. Nat kau ai shaloi she e shang nau ni la ai maza hpe she nat kau na she atsawm sha nam hpum shatai na she rai ni hkai ai da. Rai ni hkai she shang dai dinggai jan hkai ai nam hpum dai kaw she hkai da dai rai ni gaw grai tu tsawm ai da. Dai tauba si ni saba si hpun ni hpa ni nya ni grai hkrum hkra hkai da ai da. Dai hkai da re she dai ni grai si tsawm ai da. Grai si tsawm ai shaloi she e lani mi n aten hta she dai dinggai jan she dai ma e jahkrai hkan nau ni lalaw ma ni shang nau ni hpe she dai shi na shi hkai na kaw na dai hkumdi tsin ni dai tauba si ni sa jaw sha ai da. Tauba si ni sha jaw sha ra ai shaloi she dai la law ma ni gaw ah dwi nang ndai gara kaw na lu ai ta ngu yang adwi nang hpe grai chyeju dum ai yaw adwi nang ndai ni sa jaw sha ai majaw grai chyeju dum ai ngu tsun ai da. Dai shaloi she dai dinggai gaw i nye chyejum hkum dum nang nau ni hpe she grai chyeju dum ai ngu ai da. Rai an nau ni hpe hpabaw na chyeju dum ai rai ngu tsun she e nan nau ni ngai hpe i sa gabai bang maza ni sa gabai bang ya ya re dai hpe adwi nat kau ai ngu da. Nat kau ai dai nat kau ai wa nam hpum tai na grai kaja ai rai ngu tsun ai da. Dai majaw nan nau ni hpe she adwi gaw grai chyeju dum ai ngu tsun ai da. Dai shaloi she e dai yan nau ni gaw yi an nau ni matsat shabang re dai re amit ni sa e maza ni sa gabai bang ya ai wa an nau ni bai shat mai sa jaw sha ai gaw dinggai ndai gaw grai myit kaja rai nga ai ngu tsun ai da.

Sources