Details

Latitude

25.234

Longitude

96.9165

Start Date

2017-02-22

End Date

2017-02-22

Moi shawng de da mare langai mi kaw she ga gwi hte dai muk gumdin ngu nga ai da. E laning mi na aten hta she dai muk gumdin ngu ai wa gaw mahkawn grai chye sha pyaw ai da. Rai tim shi loi mi anya ai da. Loi mi anya ai da. Dai hku shi gaw shani shagu mahkawn ni shakawn dai hku ka ni ka dai hku grai ta leng hkawm ai she lani mi na aten hta she ga gwi wa gaw sa mu ai da. Ga gwi wa mung dai hku shi na shi sha mayu ai shat dai hku kawsi ai majaw tam sha hkawm ai da. Shani ti tam tim n mu ai da. Nmu zawn dai ga gawi wa hpun langai kaw wa hkring nga she dai nam maling ngu na dai de wa she dai muk gumdin ngu na wa mahkawn hkawn ai da. Mahkawn hkawn na she ta leng she ta leng dai sa mu ai da. Sa mu na she agra mahkawn mung grai chye hkawn ai e rai sai hpawt ni hpawt ni gaw ngai ndai muk gumdin ndai hpe ngai lu hkra sa sha na ngu e nya ya sai ngu dai hku myit da ai da. Dai ga gwi gaw dai hku myit da na she hpang jahpawt bai rai sai da. Hpang jahpawt bai shi dai kaw sa la nga re she dai muk gumdin gaw grai jan law yang she sa wa ai da. Sa wa na she mahkawn ni sa hkawn ai da. Dai shaloi she e da ga gwi gaw grai tsan ai da. Grai tsan shaloi e muk gumdin ye nang mahkawn grai pyaw nga ai le nang mahkawn hkawn yang grai pyaw ai ka yang mung grai chye ka nga le ngai hpang de ning ka sa wa rit ngu tsun ai da. Dai shaloi muk gumdin wa gaw e mai ai mai ai ngu na she ka let mahkawn hkawn she aw dai hku ta leng sa wa ai da. Ta leng sa wa re she e ndu hkraw ai da. Gwi hte grai naw tsan ai da. Kalang bai lawan wan kalang bai mahkawn ngut mat na hku nga kalang bai mahkawn na ka na bai wa sa rit ngu tsun ai da. Dai hku ngu bai ka dang she e mahkawn bai mat mat kalang bai ngut masum lang ngu na shaloi she dai ga gwi wa gaw du wa ai hku nga du wa re she e nang mahkawn hkawn ai grai pyaw ai jahkring mi naw hkring la ga i rai na ngai kalang bai hkawn shagun na yaw ngu tsun ai da. Dai shaloi she dai ga gwi hte shang lahkawng gaw lu sha ni sha re she dai kaw ga dai muk muk wa la sa dai lu sha ni sha na she kalang bai tsun ai da. E hpawt ni hpawt ni she bai sa wa sa na yaw ngu tsun ai da. Dai muk gumdin wa ngai bungli grai kyin ai dai majaw ngai bai wa sa na ngu wa shaloi hpan jahpawt bai rai sai da. Hpan jahpawt bai du ai shaloi she muk gumdin hpan jahpawt wa deng muk gumdin wa grai jau ai da. Dai gwi ma grai jau sa wa ai shaloi she dai shani gaw e dai muk gumdin wa hpe she hpawt ni nan kaw sa wa u yaw ngu sa ai shaloi she grai ga gwi wa dai ni gaw ngai hpe ni nye shawng kaw nan hkawn dan u ngu tsun ai da. Shi shawng kaw dai ga gwi wa na shawng kaw hkawn dan ai da. Hkawn dan she i grai pyaw ai ngu tsun ai da. Dai majaw ni ngai na nten yan ang hte kaw bai gabye na hkawn dan yu u ngu tsun ai da. Dai shaloi she dai muk gumdin wa shi na nten kaw gap na she hkawn dan ai da. E nye na shinglet shinglet kata kaw bai hkawn dan yu u ngu tsun ai da. Dai shaloi dai muk tawng wa mung grai grai anya ai da. Grai anya na shi na ngup kaw shang na dai ga gwi wa dai sha kau ai da.

Sources