Details

Latitude

25.234

Longitude

96.9165

Start Date

2017-02-21

End Date

2017-02-21

Transcription (La Ring) Moi kalang mi hta da magwi mungdan langai mi nga ai da. Dai magwi mungdan kaw she da i magwi la ni sha i magwi la ni sha i jawng mai lung ai da. Magwi num ni hpe gaw jawng nlung shangun ai da. Dai she i magwi num sha ni gaw i jawng nlu lung na dai hku i masha ni tsun ai i "Num sha ni gaw da i nta bungli sha galaw nna i hpaji mung nchye ra ai nta bungli sha galaw na nga shat ni chye shadu dai hku rai jang rai sai" ngu dai hku tsun ai shaloi she dai magwi num sha dai langai mi gaw da i dai gaw i jawng grai lung mayu ai da. Jawng nlu lung ai she shi dwi la gaw i laika buk ni grai lu na hku nga laika buk ni grai lu ai she shi dwi la laika ni sharin ya na dai shi dwi la na laika buk ni sha hti chyai na dai hku nga ai da. Dai shaloi she lani mi na aten hta gaw sharaw mungdan na sharaw ni gaw i ndai magwi mungdan de sa na ga wa san ai da yaw. "Ga san san na ngu dai ga san hpe lu htai yang gaw i ndai nanhte na magwi mungdan kaw hpyen ma ngalaw sai i dai hku i hpyen ma ntai ai sha dai hku pyaw pyaw galoi shagu myit hkrum lam hpe lu la na dai hku galaw sana" ngu dai hku tsun ai shaloi she shaloi she i yawng hkra mung ga san gaw kadai mung nlu htai ai da. Kadai i hpaji chye ai ning hkring ni raitim ga san hpe dai gaw nlu htai ai da. Dai she dai sharaw hkaw hkam wa san ai ga san gaw da i "Mungkan ga na ka-ang gara rai" ngu san ai da. Dai shaloi she dai mungkan ga na ka-ang gaw kadai mung nlu chye ai da. Dai she i mungkan ndai i shanhte na mungkan magwi mungdan kaw ndau shabra dat ai shaloi gaw kadai mung nchye kadai mung nchye dai magwi num sha wa gaw da "Ngai htai na" ngu tsun na gwi gwi sha dai i hkaw hkam wang kaw sa wa ai da. Shanhte na magwi hkaw hkam wang kaw sharaw ni ma nga na sharaw du wa gaw shi hpe i "Ndai num sha wa ndai ram ram kaji ai num gaw re hte i ndai hku i ndai ram ram rai hpaji chye ai ni pyi nlu htai ai nang htai na nga gaw" ngu tsun yang she "Nra ai ngai htai lu ai" ngu dai hku tsun ai da. Dai shaloi she magwi wa gaw i sharaw wa gaw i "Htai yu rang" ngu na tsun ai da. Dai shaloi she san dat ai da "Mungkan ga na ka-ang gaw gara shara kaw rai" ngu tsun dat ai da. Dai she magwi wa gaw jinglam hte shi na jinglam hte magwi num sha gaw shi na jinglam hte dai shi na shawng kaw madi dan dat ai da. Madi dan dat ai shaloi she "Ndai shara re" ngu tsun ai da. Ndai shara re ngu tsun yang she masha ni yawng gaw mau ma ai da. Dai she i kadai mung i sharaw gaw "Jaw ai" ngu tsun ai da. "Mungkan ga na ka-ang gaw i kaning hku mung nlu shadawn sharam ai shadawn lu ai shara nre dai majaw ndai shara gaw jaw ai" ngu na shi hpe dai magwi ni mung i ja gumhpraw ni mung law law jaw nna magwi dan na sharaw ni hte mung i myit hkrum lam ni lu rai na dai magwi num sha wa na majaw i dai hku ni shanhte magwi amyu na num sha ni mung jawng ni mung lu lung mat ai da.

Sources