Details

Latitude

25.234

Longitude

96.9165

Start Date

2017-02-21

End Date

2017-02-21

Transcription (Lu Hkawng) Ya ngai hkai na maumwi gaw jahtung wa hpe moi ndai Chyanu kanu ndai mungkan nat shalat ai shaloi gaw jahtung wa hpe gaw bum sin ngu na bum kaw shadung tawn ai re ai da. Dai she ndai ja nyi yan ja nga dai hpe lat ai shani she dai yan wa she shawng ndai jahtung dingla kaw shawng dai kaw nga na hku shang wa ma ai da. Dai yan gaw shaloi she dai jahtung dingla wa hka sa ja nga yang she "E ma ting sin wa e, lawan hpring u law ngai oh ka-ang jahkrai yan nau hpe shadu shanai sha ra n ngai, hka e lawan hpring u law nga" le jahkrai kasha yan gaw hkan madat na la yang she "Um ndai gaw n rai sai an hpe shadu sha kau na she nga nga ai" ja nyi yan ja nga dai yan gaw n rai sai "Ah ji lahku wa kaw she hprawng sa ga" bai ngu ai da. Dai shaloi she oh lahku hkun ndai sing lap ngu na yawng a nat ga na gaw kahpu ba re ai da. Hku mahkun wa kaw she sa hprawng nga mat shaloi she jahtung dingla wa gaw hka ja hpring nna wa yu yang she shi shadu sha na ngu ai jahkrai shan nau wa n nga mat, n nga mat yang she, "Ah! ya ma ndai yan gaw ya ngai shanai sha mi she ga ngu" ai ngu she hkan hkang sai da. Hkang yang she dai hku mahkun Du wa kaw du wa ai shaloi she dai wa htaw ntsa din de pawn mara kau na she, dai kaw sa san ai da. "E hku mahkun wa ndai kaw jahkrai kasha yan n shang wa ai i" nga "N shang wa ai law n mu ai law" nga "Hkum masu ndai kaw nan shang wa sai, ngai shadu sha na ngu ai re, shanai sha na ngu ai re" ngu "Nang kaw n nga ai law nang yu yu u le" "Nang sha nang sha mayu ai rai jang gaw loi hkring num rim e sa wa yaw ngai tam nna shadu tawn da ya na" ngu ai da. Shaloi she kaja wa she ning rim, rim rim nga sa wa yang she mahkun dingla wa gaw n lung wa ju tawn na she la nga re nga ai gaw, shaloi she "E hku mahkun nang e ya hkut sai i, nai sai i, nang hkrai sha kau sai i" ngu yang she "Nang na nga, nang hpe she shadu jaw nga ai law dai dai kaw n-gup mahka nna la yu u" ngu yang she, lahpaw kaw makai nga na she n-gup ma hka nga ai kaw she nlung kum ding ju ai wa she lup bang dat ya jang she, "A hte law, ahte law, ahte law" nga nna dai hku gayup mat wa sai da. "E kaning rai tim krung de rai ra sai" ngu na she le hkaraw krung de she hprawng bang mat wa sai gaw e, shi a shara kawng de pyi n lung wa sai da law shi akrung kaw she sa rawng mat dai kaw she sa tsing jang she, dai shi a n-gup wan gahpraw ai dai wa dai kaw sat tsin kau ai hku rai nga, sa tsin nga bai pru wa jang gaw bai kahtet wa bai sa tsing rawng nga, bai pru wa jang gaw grai bai gahtet machyi wa re dai majaw shi gaw dai ni du hkra hka-raw krung kaw nga mat ra bum de n wa nga mat dai yang moi gaw ndai jahtung kawa yang e n-gup shawng kahpraw wa wa re ai le, dai masha machyi yang ndai jahtung kawa ai re nga gaw oh n-gup hpraw nga ai machyi ai nga dan re dai shani dai mahkun dingla e, wan ju bang ya ai kaw na dai ni du hkra rim sin mat ai re da.

Sources