Details

Latitude

25.234

Longitude

96.9165

Start Date

2017-02-18

End Date

2017-02-18

Ya ngai tsun dan na shingjut byin tai wa ai lam hpe e tsun dan mayu ai. Shingjut byin tai wa ai lam gaw moi shawng de e da kun dinghku langai mi kaw e shan nu shan wa ni 3 sha nga ma ai da. Shan nu shan wa ni 3 sha nga ai hta na kasha gaw 1 sha lu ai re majaw kanu yen kawa mung grai tsawra ai. Ttsawra ai retim ma dai gaw kade sharin timmung kaji kaw na shi a lagu mayu ai myit masin wa shi hta n mat hkraw ai da. Nmat hkraw re na shi gaw galoi mung lagu chyu lagu ai da. Kanu yen kawa mung grai sharin ai, grai sharin ai nlu ai, tinang a mare kahtawng hkan e i mare salang ni hpe mung sharin shangun ai n lu ai da. (nauksong) gaw shi gaw jahtum e gaw shi htawng ni sa rawng yu retim mung shi htawng na bai pru wa jang mung myit malai nlu ai i bai matut na sha lagu ai da. Hting bu htingpyen ni hpun langai mi hta da timmung shi gaw hta la kau ai da. Hpa mu tim shi grai hta mayu, grai hta la grai lagu ai re majaw da jahtum e gaw masha ni mung shi e hkrit ai, hkrit nna shi dingyang grai tsun timmung lagu taw nga ai. Dai zawn zawn re na lagu taw nga ai majaw jahtum e gaw masha rai masha ni grai myit makun tawn da, masha ni grai tsawra ai manu dan ai rai ni hpe mung sa lagu ai da. Dai shaloi gaw masha yawng gaw shi hpe e nau lagu ai a majaw yawng gaw shi hpe n ju ai hkrai n tsawra ai hkrai rai mat ai majaw jahtum e gaw shi hpe e chyawm adup sat kau ai kaw e du ai da. Shi hpe chyawm adup sat ai hpang gaw dai shi si ai shara kaw she dai shingjut gaw shingna hkrai hkrai shi hpun lagu ai shi lagu da ai rai zawn zawn re shingna ni wa hkrai shi a hkum kaw kap nna shingtai shingjut tai mat ai da. Dai shingjut dai gaw dai ni du hkra naw mu mada ai nga ai re ngu.

Sources