Details

Latitude

25.234

Longitude

96.9165

Start Date

2017-02-18

End Date

2017-02-18

Ya ngai tsun na gaw grai hkam sha yak ai mabyin langai mi hpe tsun dan mayu ai. Moi shawng de e num langai mi hte la langai mi dinghku de sha na nga ai da. Shan gaw kasha ma lu ai da. Shan gaw kasha lu ai hpang kawa ngu na gaw shi gaw mungkan sut gan hpe tam na matu oh grai tsan ai namukdara din ai lai ai shara de e shi hpaga ga gumhpraw tam hkawm mat wa ai da. Re yang gaw shi shaning law law tam la na gumhpraw grai lu sai. Gumhpraw lu ai hpang she e shi a madu jan hkan nu hpe e shi a madu wa hpang de sa wa na matu htet dat ai da. Shaloi gaw madu jan ma hpe ba re na she e madu wa kaw sa wa ai da. Sa wa na she e dai namukdara panglai re nga shi gaw panglai sanghpaw jawn ai. Sanghpaw hkali jawn ai shaloi gaw da sanghpaw dai wa she da hka laru ni kaba wa nna shi gaw dai sanghpaw dai gaw hten mat wa ai da. Hten mat wa ai shaloi gaw sanghpaw li gawt ai wa gaw hkali kaji ai langai mi hpe e li langai mi hpe e garum la na matu shaga ai. Shaga tawn ai hkali kaw gaw da masha ni gaw nkau mi gaw gasang galang re majaw ma n lawm ai majaw shanhte gaw dai li kaw lu shang rawng mat ai. Retim mung da dai ni shang rawng ngut sai ngu na hkali hkang ai wa gaw hkali hte gawt maw na bai nhtang yu dat ai shaloi gaw da num langai mi ma ba na tsap nga ai hpe mu ai da. Dai num dai ma ba na tsap taw ai hpe mu jang gaw hkali gawt ai wa gaw aw hkali shadang mung hpring mat sai, dai kaw ma ba ai num langai naw tsap taw nga ai gaw gara hku di na i, li mung ndang mat sai n shang mat sai, nang bai jat yang gaw li ndai ma lup na sha rai sai. Dai majaw shi a shadang htum mat ai majaw kaning n chye di ai ngu na tsun jang dai num gaw aw ndai nye a kasha hpe sha pyi gaw woi sa wa ya rit law, shi kawa kaw du hkra woi sa ya rit. Ngai gaw dai ni ndai kaw e i shi gaw ndai hkali kaw e si na sha rai sai, shi a kasha hpe bang dat let shi tsun ai gaw, ma e nang na wa kaw du hkra sa wa u yaw, nu gaw sumhtang let bai nba sana sha re sai. Nang hte gaw sumsing mungdan hta sha she bai hkrum sa ga ngu na hkrap let kasha hpe e hkali kaw e bang da na gaw hkrap let kanu gaw dai kaw lup si mat sai da. Dai maumwi dai hpe e dai ni du hkra mahkawn na yu ai gaw (moi kalang mi na ning ngai mi gaw madu jan hte kasha hpe kau da, mungkan sut gan tam hkawm mat wa sai) dai kaw du hkra i dai hte sha mahkawn dai hpe dai ni du hkra mahkawn dai ni mung naw nga ai hpe e mu lu ai. Dai gaw shanhte n dai numjan mung madu wa kaw e hkan nang ai retim mung ja gumhpraw tam hkawm ai shara grai tsan ai majaw shan nu shan wa ni kade mi tsawra ai retim mung madu wa kaw n du lu ai sha shi gaw dai kaw sha hka kaw e lup si mat ai majaw grai myit n pyaw la ai hte dai mahkawn dai ni hpe e htuk da ai mahkawn dai ni du hkra na lu ai nga nga ai hpe e chye lu ai.

Sources