Details

Latitude

25.234

Longitude

96.9165

Start Date

2017-02-18

End Date

2017-02-18

Moi nat jaw prat e da shinggyin masha ni gaw oh ra lahpaw hte makai sha sha re, ning di makai ning kaw masen sen re ndai ram pa rawng ai nre i, shat makai hpyen dat yang e dai wa n hpyen sha ai wa, daw mi sha hpyen sha na wa dai hku shingnut shatai na kabai kau kabai kau re ai da. Shaloi gaw dai shat ni wa she oh shanut kabai kau na nam hkan wa hkrap ai da. Grai hkrap nna she nwa saka shinggyin masha ni hpang de gaw nwa saka, anhte hpe ning di zawn kam mara di kau ai ngu na she nwa mat na she shat numwa byaw nna she shinggyin masha ni wa shat kade galaw sha tim nlu sha hkraw, kade galaw sha tim nlu sha kau re yang gaw shinggyin masha ni nlu sha yang lanyau e mung hpa n jaw sha wa shanhte mung kaw si wa. Shaloi she kaning re la ndan re wa i ngu na sagawn sagawn yu yang, shanhte shinggyin masha ni shat makai kaw na sha nma sha ai sha kabai kau ai shat ni yawn nna hkrap nna shat numla ni nwa mat ai da. Ngu jang gwi hte lanyau gaw hkrap hkrai sa hkrap, tawng ban nna sa woi wa ya ai da. Shingre na shat ni bai lu sha wa re majaw shinggyin masha ni mung gwi yen nyau hpe chyeju dum ai nga na mam nnan shat nna sha ai jahpawt gaw gwi hte lanyau hpe e shawng shakut jaw jaw re anhte moi ngai naw kaji yang ma re. Dai gaw nat jaw prat gaw nrai sai wa, moi na htunghkying ni wa nmalap kau ai gwi hte lanyau hpaw shawng jaw ai baw re nga na jaw jaw re.

Sources