Details

Latitude

25.234

Longitude

96.9165

Start Date

2017-02-18

End Date

2017-02-18

Moi da kahtawng langai mi kaw she la kasha 2 lu ai dinggai langai nga ai da. Dai she anhte wunpawng ni a htung gaw kasha hpum dim wa kaw gaw kanu kawa ni nga ai htung re hte maren ndai dinggai dai gaw kasha hpum dim wa manaw wa mahtang ngu na wa kaw nga ai da. Dai she kahpu wa gaw htingbren pru nna kaga nga re yang she, kahpu wa gaw ma mung grau law ai majaw grai matsan yak hkak jang shi gaw dai kasha manaw a nta na n gu ni she, kasha kanam ni e n tsun dan ai sha she, kasha magam wa e htawk jaw kau, htawk jaw kau, hpa malu masha ni mung oh ra ni matsan mayen re nga jang gaw kasha re nga majaw shi gaw n yu lu na she kasha magam yen nu wa e htawk jaw kau, sa jaw kau rai, kasha yen manaw yen la hpe n tsun dan ai sha dai hku kasha magam yen e lagu jaw jaw re ai da. Lagu jaw yang she lani mi hta gaw dinggai dai gaw asak kaba dinggai na si mat wa, si mat wa she shi gaw shi na si numla gaw wa kanu bai tai ai da. Wa kanu bai tai na she dai kasha manaw hpe e wa kanu tai na she wa kasha ni law law hkai ai, re na hka sa wa taw ra ai da. Hka sa wa taw ra she lani mi na gaw wa kanu dai mung asak kaba na bai si na ten du mat sai da. Si mat na ten du jang she wa kanu dai gaw ga shaga wa ai da. Ga shaga wa yang she kasha manaw e she e nye kasha manaw e ngai ning nu gaw nhpu ba yen ni wa ni grai yak ai mu nna nan, ngai nam yen ngai sha e n tsun ai sha, na n hpuba yen n nu wa ni hpe e n gu ni lu sha ni lagu jaw jaw re majaw gaw ngai nang kaw e wa kanu tai nna hka sa wa ai re. Dai re ya ngai si ten bai du sai, rai na ngai ning nu a n dai a hkum tsawp e gaw hto sinpraw ndai mare a sinpraw maga de sa lup kau yaw. Re na nang hpa ra timmung ngai n nu a lup kaw e ga sa mang gala nna sa tsun jang ngai e, ngai nang hpe matut nna mung naw garum na re yaw ngu htet da na si mat wa ai da.

Sources