Details

Latitude

25.234

Longitude

96.9165

Start Date

2017-02-18

End Date

2017-02-18

Ya ngai hkai na maumwi gaw moi la langai mi mam lagu sha nna nga kanu tai nna hka wa ra mat ai lam tsun na re. Moi da mare kahtawng langai mi kaw she la langai gaw bungli gaw galaw, lagawn gaw lagawn re na, shat hpa nsha jang gaw masha ni a mamdum hkan na mam chyu hkan lagu sha sha re ai da. Mam lagu jang she lani ni mi hta gaw shi gaw ndai si mat wa sai da. Shi gaw si mat wa re yang she si mat wa ai shaloi she shi gaw shi na numla gaw nga kanu tai nna she hka sa wa taw sai da. Shi sa lagu sha ai shi mam sa lagu sha ai nta madu ni kaw nga kanu tai nna hka sa wa ai da. Hka sa wa re yang she nga kanu dai mung lani mi na ten hta gaw shi gaw nga kanu dai gaw dinggai nga kanu dinggai tai na si mat sai da. Si mat yang she dai nga kanu a madu ni gaw nga kanu de a baw e she mam dum kaw lakang sa lung na re yang kabye ai kaw tawn da sai da. Tawn da yang she lani mi na la langai mi gaw mam bai lagu sha na matu sa wa she dai nga baw kaw sa kabye dat ai da, sa kabye dat yang she dai nga baw gaw ga shaga wa ai da. Nga shaga wa she e hkau e nang hpa rai na dai masha ni a mam dum de sa wa nga ni e ngu yang she ngai kawsi hpang gara shat hpa nsha ai majaw ndai mam htan lagu na ngu na sa wa ai law ngu na tsun ai. Hkum lagu law ngai pyi naw gaw ndan re na matsan nna shat hpa nsha na mam lagu sha ai ngu yang e ngai si ai hpang e nga kanu tai nna prat tup jam jau jam hkau ngan re na hka wa ra ai re law, hkum lagu law, she nhtang wa su ngu nna dai la wa gaw kaja wa dai nga baw ga shaga wa jang mam n lagu gun ai sha nhtang wa mat ai da, maumwi gaw ndai kaw htum sai.

Sources