Details

Latitude

25.234

Longitude

96.9165

Start Date

2017-02-18

End Date

2017-02-18

Ya ngai hkai na maumwi gaw hpang kanu n kaja ai majaw kasha shi shangai ai kasha si hkrum mat ai lam re. Moi da mare langai mi hta she shawng num si mat nna hpang num bai la ai da. La langai mi gaw, hpang num kanu gaw shawng num na kasha hpe grai nju n dawng , kawa ni bu hpun palawng ni mari ya tim la kau ya rai, amyu myu re na grai roi sha ai da. Roi sha yang she kawa hpe mung na kasha hpe sat kau chyu nga ai da. Re yang she kawa gaw ngai gara hku nna sat kau na i, nye kasha shan nau rau rau sha nga nga yang, ngai kaning di na sat kau na i ngu shaloi she, ndai hpang kanu gaw madu jan gaw ya na gaw ngai shana yup na ai shaloi ma ndai yen hpe e ndai na kasha shawng na num a kasha hpe gaw palawng ahkyeng jahpun na, ngai na kasha e gaw a chyang jahpun na, dai palawng ahkyeng hpun ai wa e sat kau ngu na tsun ai da. Madu wa hpe dai hku ngu tsun yang she, dai madu wa gaw kade nkam ai retim mung madu jan wa shi e shagyeng nga ai re majaw she dai ma dai e sat kau na matu shang wa sai da, shang wa yang she dai ma dai yen gaw shana yup wa ai shaloi she dai shawng num a kasha hpe hpun u nga palawng a hkyeng gaw dai hpang na num a kasha dai wa she kashu la na she shi hpun kau ai da. Shi hpe hpun u ngu palawng a chyang gaw dai shawng na num a kasha hpe e kabai jaw ai da. Re jang she hpang na num a kasha gaw shawng na num a kasha hpe hpun u ngu palawng a hkyeng hpun nna yup. Shawng na num gaw palawng achyang hpun na yup re yang she palawng a hkyen hpun ai wa hpe sat kau nga sai re nga kawa gaw dai palawng a hkyeng hpun ai wa e sat kau yang gaw hpang jahpawt yu yang gaw hpang na num a kasha mahtang sat kau ang mat ai da. Dai majaw nhkru n kaja ai kanu n hkru n kaja ai myit rawng ai a majaw shi shangai ai kasha mahtang si hkrum mat wa ai da.

Sources