Details

Latitude

25.234

Longitude

96.9165

Start Date

2017-02-18

End Date

2017-02-18

Transcription (Lu Hkawng & Htu Bu) Shu Daw Mi Nga Daw Mi Moi shawng de da, Shu daw mi nga daw mi re nga ai da. Dai mung manang ni na htang jan jan re shi na ningmai grai galu tsawm ai da lu. Grai tsawm re she “Nanhte hta gaw ngai gaw nanhte na hkawhkam ngai mai galaw sai. Nanhte shu daw mi nga daw mi re nanhte na zawn zawn re ai, nanhte hta gaw ngai grau tsawm ai. Nanhte na hkawhkam, ngai nanhte hta grau ma chye ai. Dai majaw hkawhkam ngai mai tai ai.” ngu tsun ai da. Oh ra ni gaw tsun ai da, “Um,, ndai shi hkawhkam grai tai mayu ai gaw, anhte ni shi hpe anhte na lam shi hpe n tsun dan ga. Shi gaw manang hta jan jan re na shi gaw hpa baw ngu na i gumrawng gumtawng re ai majaw shi hpe n tsun dan ga.” ngu na kadai mung n tsun dan ai da. Raitim shi gaw shi hkrai sha shi hkrai “Ngai nanhte na hkawhkam mai tai ai.” ngu tim kadai mung aye n la da. Shi sa wa jang manang ni yawng hprawng kau da da re, kadai mung aye n la she, Nga kaw sa wa ai da. Shi gaw Nga kaw sa wa she ndai Nga kasha Nga hpraw kaw shawng sa wa ai da. “Ngai nanhte na hkawhkam mai tai ai aw ngai ndai Nga daw mi shu daw mi re ai ni na hkawhkam ngai mai tai ai. Ngai hkawhkam tai yang mai na kun?” ngu tsun ai da. Dai shaloi nga dai ni gaw, dai gaw nanhte na ndai manang ni hpe san yu u le.” ngu tsun na she ndai Nga dai mung dai hku sha tsun she, kwi,, dai Nga Gam kaw bai sa ai da. “Ngai gaw ndai Nga daw mi Shu daw mi na hkawhkam mai tai na kun? E gara hku di na kun?” ngu tsun ai da. “Shanhte ngai hpe n hkap la ma ai.” ngu tsun ai da. “Nang hkawhkam she tai mayu ai rai yang gaw, oh hkarang kawng hpun kaw dung nga ai ndai shu langai mi nga ai. Dai shu dai kaw sa yu su.” ngu tsun she, “Shi she nang hpe daw dan ya na ra ai.” ngu tsun ai da. Dai she kaja sha shi sa mat wa ai da. Shu dai dung nga ai da. Shi hka panglai pyi din ai da lo. Panglai pyi din nna dai shu dai kaw sa wa yu she, shu kaja sha dung taw nga ai da. “Ngai hkawhkam wa e, ngai shu hkawhkam e, ngai ndai nga daw mi shu daw mi re ni na hkawhkam tai mayu ai.” ngu tsun ai da. Dai shaloi, tsun ai da, “Nang gara hku re na hkawhkam tai mayu ai ma?” ngu she, “Ngai gaw shanhte hta nmai grau ma galu ai.” ngu tsun ai da. E dan ngu tsun she, “Ya ngai lagaw bai tu wa sai.” da. Lagaw ni lagaw ni bai pru wa da. “Yi ngai galaw,,” oh manang ni lagaw pru wa gaw n mu kau da sai gaw, Hpang ye shi lagaw pru wa “Ngai lagaw ma pru wa sai, Ngai shanhte hta grau nna lak lai ai she rai sai.” ngu she “Ngai shanhte hta grau nna lak lai ai lagaw ma tu ai. Lamai ma shanhte hta grau nna galu ai.” tsun ai da. Tsun she “Nang lamai mung n tu ai me.” tsun ai da. Kaja wa she shi shingdu de gayin yu yang lamai ma n tu mat da. Shi shi na lamai pyi galoi htum mat ai re shi n matsing kau na hku nga. Re she “Nang hkawhkam grai tai mayu ai rai yang gaw, mi na nang na manang ni hpe bai wa san yu su yaw.” ngu tsun ai da. “Mi na nanhte na, na manang ni hpe naw wa yu yu. Nang nga daw mi shu daw mi she re, ya nang nmai ma n tu mat rai jang gaw, ya nang gaw mi na nang na manang ni hpe wa tam u yaw.” ngu she kaja sha mi na shara de bai sa mat wa yu re she, mi shi hte rau ganawn ai manang ni gaw langai mi mung n nga taw masai da lu. Langai mi mung n nga taw she, Pung hkaw hkan ni wa she, shu kasha kaji ji sha law ai ni gahtan she gahtan, gahtan she gahtan, gahtan she gahtan, dan re mu ai da. Kadai hpe mung n chye san da. Um Nga mi shi nga gam hpe san kau da ai nga gam hpe “Yi,, mi ngai hpe ganawn manang ni hpe n mu da ya ai i?” ngu tsun “N mu ai ngu tsun ai da. “Gara de sa mat sai kun nang n chye ya ai i?” ngu she “Na ganawn manang ni rai kun n rai kun gaw n chye ai. Htaw hpun pung hkaw hkan e grai gahtan taw ai dai ni hpe san yu su.” ngu tsun ai da. Kaja sha dai ni hpe san ai da. “Yi manang ni ye, mi, aw, ngai na manang ni hpe n mu ya ai i? Nga daw mi shu daw mi re ai ni hpe nang n mu ya ai i?” ngu tsun ai da. “Nanhte n mu ya ai i?” ngu she “Ga nang gaw grai mana ai she rai nga ai. Nang wa shu daw mi nga daw mu re na hkawhkam grai naw tai mayu ai i.” ngu she “Nang mung anhte zawn zawn sha shu sha re ai yaw. Nang gaw gara hku ma nang hkawhkam n mai tai ai. Shu daw mi nga daw mi ma, nang ndai hka kaw n rawng sai. Nang dan re tai mayu sai i nga yang gaw, hpang na prat nang ndai shu di bai di ai shaloi she nang bai la yu yaw.” ngu tsun ai da. “Nang, nang kaning, gara hku byin wa ai kun gaw, dai shu di kasha ni kaw na bai pru wa, bai kraw wa ai shu hpe she nang chye na re.” ngu tsun ai da. Dai kaw na ndai manang ni shi hpe dai hku sharin shaga ai da.

Sources