Details

Latitude

25.234

Longitude

96.9165

Start Date

2017-02-18

End Date

2017-02-18

Transcription (Htu Bu) Ya ngai hkai na maumwi gaw, ndai "Chyaukang Mukhkyu hte Hpyi Hpai Wa Shada Yam Lek hkat nna, Shada La Shadu Hkat Ai." lam rai na re. Lani mi na n'htoi gaw Chyakang Mukhkyu wa hpe, lu sat na (King) du ai da. Chyaukang Mukhkyu mung shi a yam yu yang mung, shi mung si na (King) gaw nga sai da. Ndai Hpyi Hpai wa hpe n dang. Hpyi Hpai wa gaw shi hpe dang na (King) gaw lu sai da. Raitim, shi bai (toit) ai gaw, "Ndai ngai gara hku rai yang, nye asak lawt na?.." ngu na shi myit sumru yu yang she, "Ndai hka a kata kaw nga yang gaw lawt na re rai, rai yang gaw, ngai ngai gaw hka kaw rawng nga yang gaw bai n hkam na re rai.. re, re majaw gaw ndai wa hpe gaw nyan ra sai!" ngu na shi gaw tsingdu pa, ga pa mung gawt la, rai yang she, hka majaw mung hpai rai na hpun ntsa e dung yang she lawt na sai ngu ai hku na she, shi gaw le hka kau de sa wa nna she, hka kau na hpun marawng ntsa kaw she lung dung nga. Lagaw hte maidang kaw gaw dai tsingdu pa kaw, shadun tawn, kabye tawn, rai na she hka majaw hpe wawn ntsa kaw mara tawn rai na she dung nga sai da. Shaloi she, Hpyi Hpai gaw sa wa sai da. "Daini gaw, kaning rai tim lu sha na sai." ngan she, grai ngan she sa wa sai da. Sa wa yang she, Hpyi Hpai mung dai yam, shi a yam wa (toik) yu. Rai na sa wa ai gaw re da. "Ndai Chyaukang ndai wa gaw, aga kaw dung ai zawn zawn, hka kaw rawng ai zawn zawn, gara hku wa re i....." shi yam kaw yu yang gaw dai hku rai jang she, "Aga kaw she dung nga ai re law." ngu hku rai ri nga. Ntsa de mada na gaw n shai ai hku rai nga. Shaloi she, Ahka kaw bai yu yu, hka gaw bai n mu. Ga bai, ga de gayin gayoi tam yu tim n mu. "Kaning re yam wa rai daw gaw!" ngun she, dai hpun pawt makau na nlung kaw she kabai ga kau tawn da nshe wa mat hprang rai mat ai da. Shaloi she, "Aw, na hpe na gaw!" ngu she Chyaukang wa gaw atsawm sha yu wa na she dai shi kabai ga tawn ai yam dai hpe wa hta shachyaw yu yang gaw, dai shani kaw na ya Shinggyim masha ni mung yawng yam hpe hpan lahkawng lu lang mat ai re da.

Sources