Details

Latitude

25.234

Longitude

96.9165

Start Date

2017-02-17

End Date

2017-02-17

Ya hkai na maumwi gaw uhkru du 2 tai mat ai masha 2 a lam hpe hkai dan na. Moi shawng de da mare kaba langai mi kaw da matu hte mahtu ngu ai mahkawn yen shabrang nga ma ai da. Matu mung bungli grai shaja ai da, bungli grai galaw ai shabrang la langai re da. Yi kaba galaw ai, yi kaw she shi gaw nta ni galaw, dai kaw sha mam ni nai ni hpe dai kaw sha mahkawng da, wa ni yaw, u ni mung grai yaw re na yi kaw e nga ai da. Dai hku nga, mahtu mung kahtawng buga kaw dai shanhte mare kaw sha gaw tsawm htum re da. Grai tsawm na shi mung bungli mung grai ket ai, shan gaw asak 22, 23 du wa ai shaloi gaw hkungran poi galaw na matu wa ni mung yaw, u ni mung yaw rai grai yaw da ai hte maren poi kaba galaw ai da. Dai hku galaw na shan 2 dinghku rawng nga yang gaw mahtu gaw nang mare kahtawng kaw e nta mahtu ni nta kaw e na kanu kawa ni gaw matu yen mahtu a matu nta langai galaw ya ai da. Dai nta kaw shan 2 hpe nga shangun re, matu gaw da shana shagu shi gaw yi de chyu sa mayu ai da, yi kaw shi a wa ni, u ni hpe e sharaw lasha kau ya na hkrit na dai de chyu sa mayu re na dai de chyu sa sa re ai da. Shi madu jan mahtu gaw grai marit ai da, matu hpe grai tsawra na lu la sai ngu yang shana re jang shi hte nyup ai sha dai yi de chyu sa yup, e ndai gaw num kaji lu sam ai, ya ngai naw sa na re, ntsun da ai sa na, mu ai shaloi gaw matu e ngai chye hkat na ngu na shi gaw sa ai da, lana mi na gaw shan 2 pawng ai shata 6, 7, 8 re jang shi gaw sa ai da. Sa na yi de du hkra sa mat wa ai da, sa mat wa, nhkrit ai sha sa mat wa ai da, sa na yi kaw re yang gaw matu gaw san ai da. Nang kadai rai, kadai lagut re kun ngu yang mung mahtu gaw ngai naw lagu yu na re ndai kadai hte nga ai kun, shi hkrai sha nga ai kun ngu na sa lagu yu na hpa mung n tsun ai sha chyinghka agying sa hpaw dat ai shaloi gaw matu gaw nhtu hte lagut shadu na mahtu hpe kalang ta kahtam sat kau ai da. Dai kaw na si taw nga yang she shi madu jan mahtu re taw nga ai mu re she a htu e a htu e ngu tsun ai da. Htu htu nang hpa rai na hkan nang ai, nang re nchye ai, ya ngai nang e sat kau sai, ya ngai nkam nga sai ndai ga kaw gaw nang nnga yang ngai ma nnga sai ngu na dai hku na matu mung shi hkum shi nhtu hte bai sat si mat ai da. Sat si mat na dai kaw shan 2 gaw dai kaw si mat sai, kadai mung nchye, hpang jahpawt rai nwa ai ngu mahtu e tam hkawm yu yang gaw matu a yi wa ntsa kaw wa u 2 wa ngoi dung nga ai da. Atu e ngu , langai gaw htu htu na tsun ai da, atu ngu jang htu htu ngu na ya dai ni du hkra uhkru du du du ngu na ngoi mat ai da.

Sources