Details

Latitude

25.234

Longitude

96.9165

Start Date

2017-02-17

End Date

2017-02-17

Ya hkai na maumwi gaw da galang ni u hkai hpe e hta sha ai lam rai nga ai da. Moi shawng de gaw u ni shanhte shada da amyu shada da n sha ai grai tsawra hkat ma ai da. Tsawra hkat re yang kalang mi na gaw galang langai mi gaw ndai nta masha ni yaw da ai u ram mahkawn langai hpe tsawra ai da. U ram dai gaw u hpraw mung rai re, galang gaw grai yu ra ai da. Yu ra re na nang hpe ngai grai tsawra ai yaw, ngu na shani shagu shi mung dai u ram mahkawn kaw sa chyai chyai re ai da. Sa chyai chyai re shaloi gaw dai u ram mahkawn hpe gaw nta u la langai mi mung grai ra ai da. Dai wa mung grai tsawm ai da, ra ai da. Dai she lani mi gaw galang sa ai da, sa na nang e ngai masat da na yaw, maw lachyawp n dai ja lachyawp re, ndai nang e ngai na singkaw kaw chyawp da u ngu na chyawp da shangun ai da. Dai shaloi chyawp da re yang gaw u ram mahkawn dai ah hpraw u hpraw dai mung galang hpe sha tsawra sa na ngu, lachyawp hpe e shi gaw lata hkap la da ai da. Shaloi she nta u la gaw tsun ai da, nang wa galang dai ram ram tsan ai galang hte wa ra hkat ai, nang ngai ni ai ngai hte she ra hkat ga, ngai tsawra ai, dai galang wa jaw ai lachyawp dai gaw ja nre gaw, dai gaw u hka ja nga baw hpa manu ndan ai, kabai kau u, alaga re ngu tsun yang she, dai u ram hpraw mung e le i kaya kahpa ja mung nre wa hpa na ngai hpe jaw ai kun a ngu na kabai kau ai da. Kabai kau re yang dai ula nta u la hte she bai tsawra hkat na nga mat sai da. Galang gaw bai sa chyai re she nang hpe ngai jaw da ai lachyawp gaw ngu, ja mung nre ai majaw ngai kabai kau ai re ngu jang she, gara kaw rai ngai e jaw dat rit ngu na tsun ai da, nang nra jang ngai e jaw rit ngu jang, nre gara de du mat sai mung n chye ai, ngu jang she e ndai hku gaw nmai ai, shaloi gaw nang dai ngai na lachyawp nmu dingsa n mu dingsa gaw nang na kasha kade shangai yang kade ngai hta sha na sha re, nga na dai ni kaw na nang e ntsawra sai, nang ma dai mu hkra tam u yaw ngu tsun ai da. Dai ni du hkra u kanu ni gaw gara du tim shanhte gaw ah hpre chyu ah hpre, lachyawp tam ai, galang ma dai shani kaw nna u hkai kasha ni hpe rim sha sai da.

Sources