Details

Latitude

25.234

Longitude

96.9165

Start Date

2017-02-17

End Date

2017-02-17

E lani mi na nhtoi hta dai Sharaw kaba langai mi gaw shi kawsi hpan gara shat grai kawsi let lusha tam sha na matu pru sa wa re shaloi she, grai lam hkawm ba jang she e Lapawk langai mi hte hkrum ai da. Lapawk hpe shi gaw sha na matu hkyen sai da. Shaloi she lapawk wa mung zen na she E nang ngai hpe sha na rai yang gaw Oh ngai sa mayu ai shara kaw du hkra sa sa tawng htaw Jan wa lawng chyinghka lam du hkra sa sa tawng rit shaloi she nang ngai hpe sha rit yaw ngu da. Shaloi she Sharaw mung Lapawk na ga madat na she kaja wa sha shi hpe htaw jan wa lawng chyinghka lam kaw du hkra wa sa da ai da. Dai kaw du re ai hte she Sharaw gaw kaja wa sha yat jahkrat tawng dat dai kaw jahkrat tawng dat ai hte she, E e nang ngai hpe sha na re yang gaw ba naw shawng shawoi la yaw ya ngai mung grai ba mat sai lam hkawm na grai ba mat sai ngu na tsun she, Sharaw mung kaja wa sha ba sai re nga yang Lapawk hpe jahkrat ngut ai hte shingdu yawn re dung mat re she Lapawk gaw Sharaw shingdu yawn re du mat ai hte le.. Jan Wa lawng chyinghka lam ngu ai de gawng ngwi sha ndai kaw nlung chyinghka gaw pat da ai da. Dai kaw she shang matep mat wa sai da. Shaloi she Sharaw mung ba hkoi na sha na hku kayin yu yang gaw lapawk hpe mung nmu mat re na she shi na lagaw laming she htum hkra lapawk hpe sha na matu kade ahkrai tim nlu shawng mat sai da. Dai kaw na Sharaw nhtang mat wa na she mi na shi hpan lam de bai nhtang mat wa re, bai matut hkawm mat wa re she hpa lu sha mung n lu tam re she shara mi kaw du ai shaloi she Gagam gahkyen wa kaja hkyen tsawm re hpe wa mu ai da. Ke! ya ga ndai wa nde de hkyen tsawm ai gaw hpa lu sha mung n lu sha ai ndai ga rai tim mung sha sana re nde de tsawm ai ga wa are gaw ngu na she amya sha ai da. Dai kaw na dai ni du hkra Sharaw matsang yang aga sha nga dai dai shani kaw na byin ai. Shaloi she lapawk gaw le jan wa lawng kata de shang mat wa yang she Ja Nyi yan Ja Nga ngu ai shan nau hte bai hkrum ai da. Shaloi she Ja Nyi yan Ja Nga shan nau gaw Ah Gar! ya nang kana na pru wa nta ngu yang she ngai gaw nan dinghta Wa yang ga de na re ngu na rai jang she dai hku nga yang gaw nang um an lahkawng hpe garum lu na i ngu tsun ai da. Shaloi she E nan lahkawng hpa byin mayu ai kun ngu na tsun yang she an lahkawng ma ndai dai maga de dai dinghta wa yang maga de gale na ngu na rai na she tsun ai da. Shaloi she dai kaw gaw nlung chyinghka pat da rai nga she lapawk gaw e nang gaw an Ja Nyi yan Ja Nga gaw lapawk hpe nang gaw an a pusin an a kasha na pusin re nde re majaw gaw ya an hpe garum ya ai ngu na re na she, Lapawk gaw shan tsun ai hte maren kaning n chye di na dai shi na panyem lapawk naw le i dai hte nlung kaw ning di arut arut arut arut di ginchya ya jang she nlung gaw taleng mat wa sai. shaloi she Ja nyi gaw nlung taleng wa ai kaw gamyet sat kau ai da. Rai na she Ja Nya gaw dai kaw na pru na she le.. dinghta wa yang ga ngu ai de du mat wa re na aprat galu kaba mi nga re na dai kaw asat si htum mat ai da. Sharaw ma e dai shani kaw na ga sha na nga ra mat ai da. Hpa lu sha n lu tam Sharaw matsang yang ga sha nga dai ni du hkra masha ni tsun taw ai dai shani kaw na re da.

Sources