Details

Latitude

25.234

Longitude

96.9165

Start Date

2017-02-17

End Date

2017-02-17

Transcription (Lu Hkawng) Na n na ai yan hkau jaugawng gawng sha ai lam re na re, ya hkai ai gaw lani mi na hta la lahkawng shan hkau gaw nam maling de shan hkwi hkawm ma ai da. Tam hkawm wa yang she hpa shan mung n mu, tsap yan la wa mi she lagat shaw sha nna dung nga ma ai da, dung nga ma yang she tsap gaw madu jan gaw hprawng mat madu wa gaw lahprang hku shingna shawn nna she lagat hku shaw jaw shaw jaw re dan re nga nga yang she jaugawng la langai wa gaw hpundung wa mayoi la nna she tsap kanu gaw hprawng mat jang she tsap a maidang kaw she hpundung wa sa dit bang kau ya hku re nga, nhkrun kaw dit shadang nga yang she tsap wa gawk wa jang she kahkau wa loi mi sumbam sam ai gaw tsap gawk wa jang she hprawng swi re nta de wa mat ai da,wa mat yang she ka hkau wa gaw dai mailak dit nna she dai moi wawn jun nna tam sha sam ma ai gaw maidang hku nna tsap galun abraw hpai nna wa jang she htaw nta kaw she hkau mana wa gaw hprawng wa mat yang she ya n hkau gaw deng ngu yang,le tsap naw dit nga da sai, n hkau le nga tsap naw dip nga da sai nga, gara kaw rai ngu gaw, le kaw nga deng gaw nta masha ni gaw tsap dit ai nga jang gaw tsap gaw masha amya ai le i, re yang gaw shi hpe she, nta madu ni madu jan ni she nre i, ya tsap dit ai nga jang gaw,nang gaw manang wa hpe me tawn da da nna me tsap dit nga ai gaw ngu nna she shanhte gaw masha saw woi nna sa wa yang she dai tsap dit ai la wa ka hkau wa gaw tsap wa n dang n la re tsap hpai nna wa wa ai da. Dai majaw shada n tau n hkrau ai wa manang wa hpe dai zawn re gaw kadai mung hpang de dai hku n re ga nga ai hku re nga,dan re tsap dit sha ma ai da.

Sources