Details

Latitude

25.234

Longitude

96.9165

Start Date

2017-02-17

End Date

2017-02-17

Transcription (Lu Hkawng) Ya ngai hkai na maumwi gaw Sam la wa hte Jinghpaw la wa alawng dat hkat ga nga ai lam re na re lana mi na hta sam la wa hte jinghpaw la wa gaw shada alawng dat hkat ga nang kade ram chye ngai kade ram chye ai dat hkat ga mai ai le nga jinghpaw la wa gaw sam la hpe she"Nang gaw hpawtni dat e ngai gaw jahpawt de dat na nang gaw shana dat yaw" ngu da. Shaloi she sam la wa dat na nga shani gaw hpawtna dat ga ngu hku re nga jinghpaw la wa gaw hpun du-u krawk la nna she du-u kata kaw nhku kaw she nba ni hpa ni yawng gayawp kau nna she dai shana gaw hpun krau da du-u kata kaw rawng nga sai da. Kaja wa shana gaw sam la wa alawng dat sai da. N-hkyi e hpa gaw hpa hpri hkyep hpri hkap ni dai du-u kaw shi galeng ai kaw"ding" she ngan rai nba tsupni ni hkan hkan"buk" she ngan di nna dat bang sai da. Ya gaw ganing mi retim ndai ram dat jang gaw jinghpaw la wa gaw gara hku retim si sai,daina ndai ram re gaw si chya lu re sai ngu hku re reng nga sam la wa gaw myit pyaw pyaw hte jahpawt gaw manu mana yup pyaw yup taw nga ai da. Shaloi she,yup pyaw nga sai da,jinghpaw la wa gaw dai du-u kaw na pru nna du-u hpe le shinggan de sa hpai kau na she jahpawt gaw hkawn amanu re kawa tawng lang nna she sam la wa yup nga kaw she"Buk Buk" amani nan re sa adup dat yang she Jinghpaw alawng chyawm taw law i,ram sai law daini kaw na gaw jinghku galaw mat wa ga law ngu hku re reng nga,dan re ai da dai yawn gaw.

Sources