Details

Latitude

25.234

Longitude

96.9165

Start Date

2017-02-17

End Date

2017-02-17

Transcription (Lu Hkawng) Ya hkai na lam ya hkai na maumwi gaw mare baw hkawn ngu ai wa miwa la wa sumpan dut hkawm ai wa a, sumpan hkoi mat ya ai n jaw mat ai lam rai na re. Lana de mi na she mare baw hkawn ngu ai wa gaw mare shingnawm kaw she shang taw yang she miwa la wa sumpan dut hkawm ai miwa la hte hkrum ai da. Hkrum yang gaw "E hpu miwa ya nang sumpan dut ai ngai hpe ndai chyen mi naw jaw dai na gaw masha wa kaw yup na re nang hpe ya ngai shat ni hpa ni lu sha ni hka ni hpa mung lajang hkrat wa ya na yaw nang ndai nshang wa kaw la nga u yaw" ngu yang she sumpan langai la mat wa na sumpan chyen mi la mat wa yang she miwa la wa hpe she dai asawn la nna she miwa la wa hpe she dai mi shang wa ai kaw la dung nga shangun ai da. la dung nga shangun ai shi gaw hpa sa wa ai i sumpan dai sha up la nna she oh yin wang de bai hprawng mat wa ai da. Hprawng yu mat wa yang gaw miwa la gaw shana rai tim machyi gaw kawa ai hte dumsu hpung gaw nga ai hte shana ting la nga sai da. La n pru wa lung wa yang gaw nau la jin wa yang gaw marawn wa sai gaw "E mare baw hkawn e, ngai grai la jin wa machyi ni gaw kawa wa ai hte dumsu gaw n baw wa ai hte" nga she marawn marawn hkrai marawn nga sai da. Dai she oh mare na htingbu ni she na ai hku rai nga htingbu ni she "Dai na gaw n-shang yang de marawng ai gaw kadai rai kun" ngu na she na n na she htingbu na la ni she kaning re ai la wa re ai kun ngu na she dai kahtawng na la lahkawng masum sa wa reng sai gaw sa wa yang she "Ya miwa dingla nang gaw dai kaw hpa rai sa marawng nga ai rai i" ngu she "Nanhte kahtawng na Sabaw Kai mare baw hkawn nga ai gaw ngai hpe masu sha ai le, ngai na sumpan la mat wa nye a shat sa jaw na nga hka ni sa jaw na nga ya du hkra mung hka n sa jaw ai le" nga "E anhte kahtawng kaw mare baw hkawn ngu ai n nga ai kanang na mare baw hkawn anhte kaw mare baw hkawn ngu ai n nga ai nang hpe masu sha ai masha she re kadai re ai anhte nchye ai" ngu na she "Gai ya nang gaw matsan mayen oh mare de nta de wa yup ga" ngu na dai la ni na nta de wa woi yup ai da. Sumpan hkoi ya kau sumpan manu mung n lu miwa la wa hkye hkye sa sum mat ai da.

Sources