Details

Latitude

25.234

Longitude

96.9165

Start Date

2017-02-17

End Date

2017-02-17

Transcription (Lu Hkawng) Moi da, gaida jan langai mi nga ai da. Gaida jan kaw she manam ni jahpawt de re ai hku rai nga manam wa mi a gajawng re shang bang wa masai da. Manam la lahkawng shang bang wa yang she shi gaw shat gaw shadu shi shat hkut wa ai hte she shi gaw moi na ni gaw shani na hte shana na shani shana hpawn shadu ai le manam la yan, manam la yan lup re shang yang gaw n jaw gaw nmai "E adwi e shat hpyi sha shang ga ai law" nga shang wa jang gaw kaja wa shi shadu ai shat gaw manam la yan hpe she lagawt jaw kau yang she shi gaw di sha machyin sha "Ya ngai sha na gaw gau-ngwi shadu sha na re" ngu na she lakung ni sha machyin lata sha di sha magawn sha re na dung nga ai da. Kaja re ai hte gaw oh manam yan hpe jaw kau oh ra yan gaw hkru hkru re la na she "E nta madu kung ta jan e an naw wa sai law'' ngu ai da. "Um law manam hku soi ni e ya kawn gaw hkum sa law" ngu na hkan matsa dat ai da.

Sources