Details

Latitude

25.234

Longitude

96.9165

Start Date

2017-02-17

End Date

2017-02-17

Transcription (Lu Hkawng) Kahkri wa lagu ai ngu na katsa wa hpe tsun ai n kam ai lam hpe ya hkai dan na re. Mare langai mi kaw dingla langai mi gaw da, num kasha langai mi lu ai dai she dinggai yan dingla gaw num kasha langai mi lu ai, dauma shawn ai hku rai nga, dauma woi nga ai wa she dauma dai wa gaw bungli gaw n galaw ai da. Lagu hkrai lagu sha mare hkan ni lagu sha hkawm ai da. Rai yang gaw manang ni gaw "E salang wa e, na kahkri grai lagu ai law mare hkan ni hkrai lagu sha hkawm ai law" ngu yang she "Nye kahkri n lagu law ndai kaw hpa lu na hpa sha na mung grai hkum ai n teng na re" nga rai tim n kam ai da, "E na kahkri mana mung dai hkan ni lagu sha hkawm ai law shing rai U ni pa lagu sat sha hpa gaw hpa rai" nga tim dingla wa n kam ai da. Yawng tsun hkrai tsun sai da. Dai yang she "Ga nye kahkri wa e, dai gaw lani mi she pawt na she kahkri wa hpe "Ngai kahkri" ndai shi pawt mayu ai gaw yawng nau tsun wa ai majaw gaw galun tim galun sat kau na re nye kahkri hpe ndai wa yawng yawng lagu sha ai nga ai gaw ngu na she shi gaw "Ngai kahkri nang mare de grai lagu sha hkawm ai re ai nga n rai i" nga "N re ai law kadai tsun a ta nga" "Lagu sha ai da, ngai hpe grai tsun ai, nang dai ram lagu sha mayu yang gaw dai na ndai ka-ni yan ngai ntsa a baw n htung laprang kaw na bau wa sa hpai dut sha u" ngu ai da. Shaloi she "E ngai nchye dut sha ai law tsa e ngai n gwi ai law, ngai nchye dut sha ai law" nga shaloi she dai ngu jang she dai kahkri wa gaw nyan ai hku rai re nga moi na gaw oh ra hku-wawt maga de chyinghka kaw kani jan yup ai baw nhtung kaw hku-wawt chyinghka lam nga ai da. Shaloi she lana mi gaw shi gaw nyan ai hku rai re nga, katsa yan kani yup n yup atsawm sha madat le ga hku na she hku-wawt chyinghka ni ngyat sha hpaw tawn kanin jan gaw rawt ai hte gaw wan rawt wut wut re ai gaw oh ra wan ndum le i wut ai ndum gaw dai na malai ai pyi-htawt wa dai dum ai baw moi na ni dumai pyi-htawt wa galai tawn ya ai da. Wan ndum kaw gaw laga kaw tawn kau ya rai yang she oh kani katsa wa a baw gup chyawp moi na ni a hpyan ai baw re ai gaw gup chyawp kaw gaw ahkyi wa achya tawn ya ai da. Rai na she lanyan shang nna wa lagu ai hte gaw galun tim galun sat na ngu na nhtu, nri da nhtu da, di tawn ai hku rai re nga ai gaw shaloi she shi gaw dai hku lanyan sa nna she kani a wan ndum kaw gaw pyi-htawt wa, wa tawn da ya katsa a bum hkum kaw rai yang gaw hkyi wa achya tawn da ya re ai da. Kahkri wa gaw dai kaw bau dai wa nyat sha lanyan la na she le chyang ga de hpai la na she le gai wang lung kaw she "Dwi dwi dwi" nga dum sha mat jang she "Um ndai gaw dinggai wa lawan rawt u an a bau rai nga sai ndai wa hpe galun kau ga" ngu yang she lawan she wan wut yu u shachyut na re, wan wut u ngu yang she dinggai jan wan wut yang she pyi-htawt wa bai dum bang wa sai da. Wat dinggai mung ngu na she shi mung gup chyawp la chyawp ai hte she hkyi wa manat la hkrup sai da. Dinggai mung manang wa pawt mayu taw ai kaw hkyi mung mu taw nga nang gaw ya mung sumpyi naw dum taw nga i" shan shada ga law kahkri wa le bau sa hpai dut sha kau ya ai da. Shi dai shana kawn na she kahkri wa lagu sha ai lam hpe katsa wa chye ai hku re ai da.

Sources