Details

Latitude

25.234

Longitude

96.9165

Start Date

2017-02-17

End Date

2017-02-17

Transcription (Lu Hkawng) Ya hkai na gaw jawgu anhte shinggyim masha ni a asak hkap hkye ai lam rai na re. moi lani mi she nat wa gaw anhte shinggyim masha ni hpe sha na matu sha chyut ai da. Sha chyut yang she sha chyut ai shaloi she jawgu wa she "Ya nang kadai hpe sha chyut ai" nga "Shinggyim masha ni hpe sha na ngu na sha chyut nga ai le" ngu yang she "Aw nang shinggyim masha ni hpe sha na rai yang gaw ngai nye a lagaw lata naw hti u" ngu ai da. shaloi she nang ndai nye lagaw lata n ma hti yang gaw shinggyim masha ni hpe n lu sha ai ngu tsun ai hku rai re nga ai, shaloi she kaja wa she hti sai da. Hti yang she ga-ang kaw bai du wa yang she shi brawng di kau "Ke ya bai malap kau sai" bai ngu "Bai hti nga yang gaw" bai hti htaw ga-ang kaw du wa jang she bai brawng di marawng kau sai da, shaloi she bai malap kau rai yang she jawgu ga hti chyai nga yang she shinggyim masha ni gaw hprawng lawt mat wa ai da. "Dai ni kawn na gaw nang ngai hpe n lu sha ai yaw" ngu na she dai kaw ga shaka la kau ai hku rai re nga anhte hpe n lu sha mat ai, dai majaw dai ni du hkra ma ni hpe "Dai jawgu n sat ma ai law anhte shinggyim masha asak hkye ai re ai law" ngu dai ni du hkra matsing sumhting ra ai da.

Sources