Details

Latitude

25.234

Longitude

96.9165

Start Date

2017-02-17

End Date

2017-02-17

Transcription (Lu Hkawng) Ya hkai na mamwi gaw jaugawng la wa nat ni shapoi tawn ai nam na num hpe masha ni a kasha hpe lu hkye la ai lam rai na re. Lani mi na aten hta jaugawng la wa le nam maling hkawm mat wa sai da. Hkawm hkrai hkawm mat wa mi she le nam maling krung re grai sung ai kaw lungpu lung krawt kata kaw grai pyaw nan re nga ai da. Dai kaw she shi lai hkawm yang mi she mam htu ai yaw lu lu ai anhte a Jinghpaw num nsen wa mi na ai da. Ya dai ni de oh ra de gaw mam htu nsen ngoi ai gaw kaning re ai wa re ai kun ngu shi sa lagu yu ai wa num mahkawn grai tsawm ai mam htu nga ai da. Dai yang gaw hka oh ra gaw nat ni num woi tawn ai rai sai ngu na shi gaw sa mung hkrit re na she laga kaw sa lagu yu nna she wa sai da. Wa na she shanhte buga gaw masha mat ai gaw n na ai rai re yang she laga kahtawng de tawk pru mat sa wa ai hku rai re nga, sa wa yang she dai kahtawng kaw she du yang she "E kasha mat ai kasha mat ai, anhte kasha mat mat ai num kasha n lu la ai" nga nna garu jawng ai wa na ai hku rai re nga shaloi she "Ga tam la yang n mai ai i num kasha dan re mat yang gaw nanhte n tam yu ai i" hpa ngu wa tsun ai hku rai re nga ai gaw kasha mat ai kanu yan kawa gaw "E nye kasha hpe hkye la ai wa hpe gaw jaw sha kau na law kadai ra yang kadai hkye ya tam ya mi law an lu ai sut gan yam nga mung an a kasha hpe e sa mu sa tam sa hkye la ai wa hpe gaw jaw sha kau na law" nga tsun ai na ai hku rai re nga ai gaw dai jaugawng la wa gaw "E nanhte ndai nanhte kasha ndai kadai mu kadai la hkrak jaw na i" nga yang she "E sa hkye la ai wa hpe gaw jaw na law" nga na she dai kaw salang ni hte she ga shaka la sai da. Ga shaka la na she dai jaugawng la wa gaw wat dai num sa woi na matu she labu palawng galai la na ni mung hkyen oh manam shagram, machyam lap ni manam shagram ndai ndat ni nrawng ai baw le manam ai baw amyu myu galaw gun majap ni hte htu gun re na she sa wa sai da. Sa wa na she Le kaw du ai hte gaw matsi machyang lap ni hp ni, dai shi sa ai shaloi gaw dai shaloi mung dai num kasha dai gaw dai jan sha kra na she nlung pu ndaw kaw dung taw ai hku rai re nga ai gaw shaloi she shi dai kaw sa wa na she "Dai ni gaw ngai nang hpe hkye la sai ai re, kagu kamoi ni mung n nga ai da, hkye la sa ai re ngu yang she "E ah gu, ah moi ni n hkraw na re ai lu nye la wa gaw n nga ai ah gu yan ah moi mung ya hkawm mat wa sai" nga yang she "Hpa ah gu ah moi ma hkum shaga" ngu na she nang hpe dai ni ngai hkye la sai ai re ngu na she Dai na lapu palawng dai ni nat sama manam sai raw kau u ngu yawng raw kau shangun rai yang she shi la sa ai labu palawng ni jahpun la dai kaw she majap ni hpa ni wat manam sha gram ni hte sumbum kau da na she ba na hprawng swi woi wa yang she htaw shi nta kaw du wa na mahka kaw she "E mare na ni e ndai gaw ja san jaseng ra re ya na prat hku nga yang akyu hkap hpyi la ai hku rai nga du wa yang she wat kanu kawa ni hpe woi wa sai "Nanhte kasha kalang ta mare de n mai shang wa kun ngu ngai gaw mare makau kaw shadung tawn sai" nga dai kaw mare masha ni kanu kawa ni gaw kabu gara re sa tau la na she dai kaw oh moi na rai yang gaw marawng raw kau ai nga nban ni hka ni ga prip nna she nat sama sa hkoi kashin sa kashin la na she dai la na nta de woi wa ai da. Dai wa hpe jaw sha kau ai da. Dai majaw shan a kasha hpe dai kani yan katsa lu ma lu ma hkra mung dai kahkri hpe jaw sha re nna dai jaugawng la wa gaw dan re nna nga mai mat wa ai da.

Sources