Details

Latitude

25.234

Longitude

96.9165

Start Date

2017-02-17

End Date

2017-02-17

Transcription (La Ring) Ya hkai na gaw ndai hpaga la lahkawng a lam rai na re. Dai she lani mi na hta gaw la lahkawng gaw hpaga ga sa wa le lam grai tsan ai kaw du yang she dai hka grai lu mayu sai da prang ga ga.. dai kaw shanyip grai pyaw lagat grai tsit lali ai hpun kaw me sa sa ma ai da. Rai yang gaw ga.. shan gaw ndai Karai Kasang kaw kyu hpyi hku rai nga "Ja e an e Karai Kasang lam woi yang gaw ndai lagat ru ndai dan dat yang hka pru wa u ga law" nga kaja wa she Karai Kasang hpe kyu hpyi nna she dai lagat ru dai dan dat yang she hka kahte wa ai da. Shaloi shan gaw dai kaw hka kahte dai ja lu nna nga nga rai ai. Hka mung lu hkru sai da dai lagat ru kaw na, hkru sai nga hte gaw dai lagat ru dai mung hka dai mung pat mat sai da. "Ja e daini an ra sharawng ai ja gumhpraw tam sa ai wa re gaw ya num la na hpa rai na mung ra re gaw ndai lagat lakung langai mi dan la yang ndai lagap lap ndai yawng ja gumhpraw tai wa yang chyawm i" ngu yang she dai ngu nna shan gaw dai hku hpyi nna she lagat hpun dai dan dat yang she gumhpraw yawng lap wa gumhpraw tai sai da. Tai nna she shan gaw dai di kahtap gun nna she wa sai da. Wa yang gaw nta kaw dai ja gumhpraw dai hte she num ni la hpa rai na bawng ban wa ai hku rai nga. "E rai nlaw ai hkau e hte ahpun hte nawng wa chyawm me sa kran la ga" ngu na she lani mi na hta gaw shan gaw shat mung gun hka mung gun nhtu nwa mung garang lang rai na she lagat hpun dai sa kran la na hpun nawng lap yawng la na hku she sa wa sai da. Shaloi she kran magang ningma wa nhpye wa hkraw sai da lo hpun dai gaw. Kade kahtam tim nhpye wa hkraw mat rai jang she "Ga.. ndai gaw Karai Kasang nhkraw ai she rai sam sai" nga na wa jang gaw hka nta kaw shawng e wa la tawn ai lagat lap gumhpraw hteng yawng mat mat sai da. Dai majaw masha ngu gaw kadai raitim chyeju kaw jan nna shi lu ging ai hte rai nga yang e yawng nawng ra ai a majaw lu tawn ai mung mat mat ai da. Dai majaw kadai mung nlaw hpa ga nga hku re da dai gaw.

Sources