Details

Latitude

25.234

Longitude

96.9165

Start Date

2017-02-17

End Date

2017-02-17

Transcription (La Ring) Ya hkai na gaw hkrap su su nna sam kahtawng kaw hkrap su su nna malu masha tam la ai wa a lam rai na re. Ka bawn la ai wa a lam rai na re. Lana mi hta le sam kahtawng kaw Labung ngu ai wa gumra aw leng moi gaw dumsu leng dumsu wutang law wutang gawt nna sa ai da. Sa yang she dai shi du ai kahtawng kaw she sam dingla langai mi si na hku rai re nga. Sam dingla si ai kaw she sam dingla si ai na rai dai kaw shang. Shang ai hte gaw wutang daw pyi nraw sai da "Goi law ngai a jinghku wa daini ndan rai ya ngai hte aga pyi rai nhkrum yang wa me ngai rai ndu yang me si mat ai gaw" nga na wa hkrap wut wut da law. Hkrap nga sai da "Ngai kani joi mi ya da ai re wa daini ngai shi hpe kam nna she kaman sa wa ai ndai adaw wutang sha woi nna sa wa ai re lo" nga nna hkrap nga sai da. Hkrap let wa "Nu e mali sam nsi yang kadai si lu e, mali hkingau n-gyi yang gaw nhpa gyi law" nga na hkrap shana ting myi wa kanun rai na hkrap hkrai hkrap nga sai da shana ting hkrap amang wa amya. "Kanang na tim jaw u law wa u law jaw e law daini ngai nang hpe kam na she sa wa ai re lo ngai kaman sa wa ai ya ngai nhpa la na wa, nhpa gun di wa na loi" ngu nna she hkrap nga sai da. Dai shaloi she dai kaw makyin jinghku dai kaw poi kaw poi salang ni mung grai nga ai le nta madu madu jan ni kasha ni kashu ni grai nga ai hku rai re nga. "E hpu wa e hkum hkrap sa hkum hkrap sa shi si tim anhte jinghku jingyu nga ai gaw nang la wa na sha gaw jaw dat na re hpa nra ai nang, na aka dang ai ram gaw jaw dat na ga ai" ngu na she hpang jahpawt gaw n-gu ni ajum ni hpa ni shi a wutang daw pyi ndang na daram bawn ya dat ai da. Dai rai na gaw lu wa ai hku rai re nga hpa teng ai nre dan rai na sam e si yang sa hkrap la nna ka lu gun wa ai da dai Labung ngu ai wa gaw.

Sources