Details

Latitude

25.234

Longitude

96.9165

Start Date

2017-02-16

End Date

2017-02-16

Transcription (Lu Hkawng) Hkai na lam gaw ndai hpaga ga yan la shan hkau a hpaga awng nna wa ai shaloi na ka hkau wa myit magaw ai lam rai na re. Lani mi na hta masha la yan hkau gaw hpaga ga sa ma ai da. Shan gun ai hpaga arung arai ni yawng lu dut yang she gumhpraw makai ma jaw mi lu ma ai da. Lu yang gaw hkali hte wa, hkali rap ai kaw du yang she, ka hkau wa mayu wa re nga gaw mayu wa hpe gun shangun ai hku rai nga, shaloi she mayu wa gaw ka hkau wa gaw dama wa ngu na wa gaw (Hpawng) shap na rai re she ''E hkau e ya ndai gumhpraw nang gun u ngai (hpawng) shap na re nang gun u'' ngu na ka hkau wa hpe gumhpraw gun shangun dai wa gaw myit magaw yang she ndai wa hpe gaw ya ''An hkau a gumhpraw hka kaw jahkrat bang kau sai ngu na'' re ngu na she nlung bau langai mi she dai gumhpraw makai hte yep di na she bang gun na hku rai reng nga, maren re makai ka hkau wa n mu ai hku lagu makai gun nna she le hpang de jawng nang, jawn nang na she shi gaw htaw ka hkau wa (Hpawng) htu nga yang she hka ka-ang kaw du yang she shi jahkrat bang dat ai gaw dai n lung makai rai sai ngu na jahkrat ai wa she ja makai gumhpraw makai wa madaw ang mat ai da. Gumhpraw makai wa lup re jahkrat bang kau she kaja wa shi gaw ''E hkau e an hkau a gumhpraw makai wa le hka de lup'' ngu na she masu ''Kaja wa i'' nga ''Ya sha brung nga nna ai i hkrat bang mat sai le, e an hkau a hpaga gaw'' ngu na she loi shaw shen nna she mau mau hkye hkye re na wa hkau wa gaw ''Ya ngai makoi la ai gaw gumhpraw rai na sai'' ngu na she nta kaw hpaw yu dat yang gaw nlung tawng wa rai mat ai da. Dai majaw masha ngu ai gaw myit magaw ai ngu ai gaw kadai mung n mai galaw ai da.

Sources