Details

Latitude

25.234

Longitude

96.9165

Start Date

2017-02-16

End Date

2017-02-16

Transcription (Lu Hkawng) Ya hkai na gaw madu jan madu wa shada shara hkat ai nhpang chye na matu u-baw u-hpang tam ai lam re ai da. Lani mi na hta dai yan la gaw masha jan masha wa yan la gaw yi hkyen sa ma ai da. Yi kaw shadu sha na ndi mala hpa mung sha jahkrum gun nna she yi sa hkyen ma ai da. Yi sa hkyen yang she shani shat shadu sha na matu le shani shat shadu sha ten du wa madu wa hpe she, ''E dai ni na gaw nang shat wa shadu su, ngai yi naw hkyen na'' nga rai yang madu wa gaw ''Nang wa shadu su le nga'' ''E nre nang dai ni na gaw na la she na la wa, wa shadu su nga'' kaja wa la wa, wa shadu na hku wa sai da. Wa yang she di kru gaw lahkawng sha jun tawn nna she wan wut tawn rai yang she shat shadu na hkyen gaw hkyen nga ai da. Madu jan gaw ya gaw shat hkut na rai sai, ya yang n hkut wa sa na taw'' nga na she yi loi hkyen ngut nna wa yu yang she makru lahkawng sha jun nna wa she shat shadu yang she bai dun nna bai gadang ru kau lahkawng sha rai nga gaw wan gaw hpraw shu nga di kau nna dung nga da. ''She! la mana nang gaw lahkawng sha mi gara hku mai na rai masum di u le, masum jun yang she mai dun ai mu langai naw tam la su tam la su'' ngu ai da. ''Aw nye madu jan kade ram pawt wa kun kade ram matsa wa kun ngu yang myit myit gaw galu nga ai, myit gaw kaja nga ai'' nga nna shan gaw dai kawn nna shada dinghku grai pyaw nna nga mat ai da.

Sources