Details

Latitude

25.234

Longitude

96.9165

Start Date

2017-02-15

End Date

2017-02-15

Transcription (Lu Hkawng) Ya ngai tsun na gaw shawng la hta na nlai nga ga shagawp hpe tsun na re. Moi shawng e da, la langai hte num langai hpe kanu kawa myit hkrum nna jaw sha na maw ai da, dai wa shan lahkawng yan gaw shan lahkawng yan shan lahkawng n ra hkat ai da. n ra hkat ai, num wa gaw la wa hpe tsun ai da i, ''Ya ngai nang hta na (Tar) ai la hpe ngai la dan na i, nang hta na grau hpung kaba ai dai hpe ngai la dan na'' ngu tsun ai shaloi num dai gaw aw shi gaw myit ai da. shi gaw jan hpe yu ai da, jan gaw yawng hpe mu lu ai yawng hpe jahtoi ya lu ai le i, yawng hpe jahtoi ya lu ai majaw ngai gaw jan kaw wa na ngu na Jan hpe tsun ai da. ''E nang gaw yawng hta na hpung ja ai, yawng hta na grau ai dai majaw ngai nang kaw wa na nga'' ding ngu tsun ai shaloi Jan gaw i ''Ngai gaw yawng hta na mung n jin ai ngai gaw hpa mung ndang di ai'' dai hku ngu tsun na ''Ngai htoi sa na ngu yang ngai hpe samwi wa magap kau kau re ai, samwi wa magap kau kau re nna dai num dai gaw ngai htan grau hpung kaba ai gaw samwi re nga nna dai num wa gaw samwi kaw bai sa ai da. ''Samwi e ngai nang kaw bai wa na'' ngu dai hku tsun ai shaloi dai shaloi she samwi gaw ''Ngai gaw hpa mung nlu di ai da, hpa mung n lu di ai ngai dai hku oh ra de wam hkawm na ngu bum ni gaw tsaw ai kaw na ngai n lu lai lai rai ai ngai n lu lai lai re ai'' ngu dai hku ngu tsun ai da. Dai shaloi bum kaw bai sa ai da. ''E bum e ngai nang kaw wa na'' dai hku ngu tsun ai da. Dai hku ngu tsun yang gaw Shi gaw num dai wa gaw dai hku tsun rai yang bum dai gaw ''Ngai gaw hpa gaw n jin ai ngai bai dai hku bai tsaw lung wa ga nga yang mung ngai hpe gaw dumsu ni bai daru kau kau re ai da. Dum su ni bai daru kau kau rai yang gaw num dai gaw dumsu kaw bai sa ai da. Dumsu kaw bai sa rai yang gaw ''Dumsu e ngai nang kaw bai wa na'' ngu dai hku tsun ai shaloi gaw dumsu gaw ''Ngai hpe gaw da, ndai ladi kaw shaloi nna i sumri hte ngai hpe dai hku oh sa le sa re dun sa ai majaw ngai gaw hpa mung n-gun n ja ai'' dai hku ngu tsun num dai gaw sumri hpe bai sa re, sumri kaw bai sa nna dai shaloi num dai wa mung ''E sumri e ngai nang hpe sha wa na'' ngu dai hku bai tsun ai. Sumri mung ''Ngai hpe gaw da, Yu ni bai kawa di kau kau re ai da, yu ni bai kawa di kau kau re yang gaw ngai gaw hpa mung n lu di ai'' ngu tsun ai shaloi num dai gaw Yu kaw bai sa ai da. Yu kaw bai sa re ai shaloi dai num, num dai gaw ''E yu e ngai nang kaw she wa na'' ngu yu gaw ''Ngai hpa mung ndang di ai'' ngu dan ngu tsun re num dai gaw hpang ye e yawng shi hte n lu jang she hpang e gaw shawng kaw na la kaw bai wa mat ai da.

Sources