Details

Latitude

25.234

Longitude

96.9165

Start Date

2017-02-14

End Date

2017-02-14

Ya ngai tsun na maumwi gabaw a lam gaw kanu hpe n garum chye ai gaida kasha seng htum a lam re. Moi shawng de da gaida yen nu 2 nga ai da. Dai gaida yen nu 2 gaw da kasha wa gaw da myit nsu la ai re da. Dai seng htum nga wa gaw myit grai nsu ai da, re she kanu wa gaw shi hpe grai tsawra na hku nga. Grai tsawra re she shan nu 2 maren sha re da. Grai matsan na hku nga re yang she shan nu 2 gaw ma e da an nu 2 oh nga sa hkwi ga i ngu tsun na hku nga, dai she e lo nga na nga sa hkwi na hku nga. Dai nga hkwi ai kaw she oh shi na manang na kanu ni mung lawm na hku nga. Manang ni na kanu ni mung lawm na she sa hkwi ai da, sa hkwi she dai ma gaida kasha seng htun wa gaw kanu gaw da shi hkrai sha matsan shayen re na hkwi taw na hku nga. Hkwi taw yang she shi gaw shi lu hkwi ai nga ni hpe gaw shi nu hpe njaw ai da. Shi nu hpe n jaw ai sha oh shi na manang na kanu ni hpe sha jaw ai da. Jaw kau ai da, wa jaw kau ai da, hkwi na bang ya bang ya she shi tsun ai da, dai seng htun wa gaw kanu hpe hpa na nra ai i nga yang shi nu gaw ntsawm ai da. Masha ni na kanu zawn zawn ntsawm ai da. Ngut jang masha ni a man hta grai chye gaya ai majaw da, seng htun nga wa gaw kanu hpe grai ntsawra ai hku nga. Retim shi nu gaw grai tsawra ai da shi hpe. Grai tsawra she dai shana maga de du wa sai da. Shana maga de du wa re she shanhte gaw nta wa na hku nga. Nta wa shat shadu sha ai da, shi nu gaw shi kasha hpe hpa n pawt ai da. Hpa n pawt yang she seng htun wa gaw shi nu hte arau n kam nga, shat a rau n kam sha ai majaw oh shi na manang na kanu na nta de sa mat ai. Dai she sa yang she e nta madu ni nga ma i ngu tsun yang hpa mung n tsun ai da. Dai she ngai shang wa sai yaw, hpa mung n tsun ai da, dai she shi gaw shang wa sai da. Shat sha ga le dung ga, dai hku mung kadai n tsun ai da, zim sha nga na shanhte gaw sha taw ai hku nga. Shanhte sha taw ai she shi gaw i ndai ni gaw ngai hpe shat sha mung n kam shaga nga ai ngu shi dai hku myit la, retim shi nu gaw da shi kasha hpe dai nga sihtu shadu ngut na shi kasha hpe la taw nga ai da. Re di shi gaw hkrap di wa na hku nga. Dai she wa yang shi nu gaw chyinghka lam kaw tsap na shi kasha hpe la taw ai da, nu e da ngai shut sai da, nye a mara re sai ngu na shi shi nu hpe hpyi nem na hku nga. Hpyi nem tawng ban na shi nu gaw da tsun ai da. Nra ai ngu tsun ai da, ya nang shat kawsi sai nre i, shat sha saka ngu tsun ai da. Shat sha saka ngu tsun na shi nu grai kabu ai da. Grai kabu na she shi kasha hpe a hpum na hku nga, a hpum na shan 2 yen shat arau sha ai da. Shat rau sha yang shan nu 2 gaw dai kaw na pyaw pyaw re na nga mat ai da. Dai gaida kasha seng htun wa mung kanu hpe tsawra chye mat ai, kanu hpe chye garum mat ai kasha langai byin mat ai da.

Sources