Details

Latitude

25.234

Longitude

96.9165

Start Date

2017-02-14

End Date

2017-02-14

Ya ngai hkai na maumwi gabaw lam gaw damya 2 a lam re. Moi shawng de da mare langai mi kaw da grai lauban ai la langai mi nga ai da. Dai la langai mi gaw da shi gaw nam, lani mi gaw nam maling de dai de sa na hku nga. Dai she damya 3 akyang n kaja ai damya 3 gaw kaba dik htum wa ngut jang kachyi mi kaba ai wa ngut jang kaji dik htum shanhte 3 gaw da damya 3 re she oh mare de sa sai da. La dai wa gaw grai lauban ai da, la dai gaw grai lauban ai re chye na hku nga. Chye yang she shanhte gaw chye sai da. Ndai wa grai lauban ai re, shi hpe damya sa tik ga ngu woi sa mat ai hku nga. Sa she dai grai lauban ai la hpe mu sai da. Grai lauban ai la wa hpe mu na shanhte damya tik sai da. La dai gaw kalang ta hpang kaw na sa abyen na sat kau na hku nga. Sat kau re yang she shahte gaw dai wa na gumhpraw ni hpe mahkra shaw la, shaw la na she shanhte tsun ai da. Dai grai kaba ai she tsun na hku nga. E anhte ni shat grai kawsi wa sai, shat ni wa mari sha ga ngu tsun ai hku nga. Re yang she kaba wa tsun ai da. Kaji ya ndai kaw na kaji dik htum wa gaw anhte shan na matu shat ni hpe sa mari u ngu tsun ai da. Sa mari ngu tsun she ngai hkrai sha gaw n gwi sa ai loh tsun hpa nra ai da nang oh ra maga na mare kaw nang lu sha mari u anhte shat grai kawsi wa sai ngu tsun ai da. E deng ngu na dai grai kaba ai wa gaw kaji dik htum wa hpe gumhpraw jaw dat sai da. Gumhpraw jaw dat re she kaji wa sa sai da. Sa sa re yang oh mare de mari sai da. Shat ni hte mari muk chyaw ni hte mari shi gaw mari wa na hku nga, re yang she dai kaba ai wa hte kachyi mi kaba ai wa gaw myit sai da. Um ndai wa hpe sat kau na an 2 yen gumhpraw ndai hpe garan la yang gaw kachyi mi law law lu na nga, dai wa hte garan yang gaw an 2 yen kachyi mi sha lu na nga ai ngu na shi gaw dai hku myi ai da. Dai shan 2 yen kaba ai 2 gaw myit na she re yang she oh ra gat sa mari ai wa re yang mung myit ai da. Um ngai ohra 2 e jaw sha yang gaw anhte kachyi chyi sha lu sha na nga ai, ngai hkrai sha sha yang ngai grai law hkra lu sha ai ngu dai hku myit na hku nga, retim shi gaw dai hku kaja n galaw ai sha shi gaw nta wa na hku nga. Dai damya 3 shan 2 yen ohra 2 kaw wa sai da. Shi gaw wa re she dai oh ra la yen 2 gaw kalang ta sat kau ai da. Dai muk mari sha ai la dai hpe kalang ta sat kau na she oh ra grai lau ban ai la wa na lup dai mang kaw sha dai muk sa mari ai shat ni sa mari ai wa hpe mung dai kaw sha kabai kau da ai da. Dan re kabai kau da re she oh ra yen 2 mung hprawng mat na hku nga. Hpranwg mat yang she oh ra yen 2 kade nna shi yang shanhte lagu da ai gumhpraw ni dai hpe hpa pyi n lu jai sa shi yang shan 2 yen mung da dai wa ai lam kaw si mat ai da.

Sources