Details

Latitude

25.234

Longitude

96.9165

Start Date

2017-02-14

End Date

2017-02-14

Moi shawng de e ndai jahta mare de wa ai lam hpe ngai kachyi mi labau kadun hku na tsun mayu ai. Jahta mare dai ni ndai ten du hkra anhte jahta mare de wa ai lam gaw 67 ning kaw e mi gaw mare nre nga ai, ndai sam ni shanhte ni gaw nga wulawng nga rem tinang mare kaw rem shara nnga ai majaw dai jahta mare ngu shamying ai ni gaw nga shawng rem ai. Nga shawng rem re jang gaw wulawng sha di na nga rem dai hku nga shaloi gaw wulawng yang wulawng yang ngu na shamying ai re nga. Wulawng yang wulawng yang ngu na shamying mat wa re hpang e she e ndai 80 jan ning kaw na she dai nga sa rem sa rem re sam dinggai dingla ni hte dai hka kaw jahtu htu re ai da. Jahtu htu re gaw ja lu ai. Ja lu hta re shaloi gaw ndai ja lu hta nga rem na nga mat wa ai hpang gaw dai kaw mare de mat wa ai. Mare de mat wa re shaloi gaw nhtawn ni mali nhtawn ngu na bai nga mat wa ai. Mali nhtawn ngu na nga mat wa ai shaloi gaw dai wulawng yang ngu ai mying shingteng hpe shanhte ni jahta mare ngu na bai mying jaw ai i. Jahta mare ngu na mying bai jaw mat wa na gaw jahta mare nga mat wa re kaw na gaw ndai jahta mare a sinpraw maga de e hka lum hkashi hkahpaw ai. Hka shi hpaw ai hpe e shanhte ni gaw dai kaw hkalum shin na matu shara ni galaw, gawk ni hpa ni galaw tawn re na nga mat wa ai kaw na gaw hpun ni galaw sha re na mare ni grai de mat wa, moi mi myo kaha langai byin mat wa ai. Myo kasha langai byin mat wa re na ya gaw wan jak ni, mali wan jak nga, mali wan jak ni mung nga mat wa re na ya gaw jahta mare myo tai na dai ni du hkra nga ai re nga. Dai ni du hkra nga ai she ndai ya 2011 ning kaw na myen shuk ai kaw na hprawng bra na ya gaw mare masha nau nnga mat wa sai. Dai mi na myo tai ai kata, myo tai ai ngu ga gat yang kata hte sha masha loi mi na mat sai i, re yang gaw jahta mare nga nkau mi gaw mi kaw na jahta mare ngu shamying da ai gaw nre, (asa) shaloi gaw shanhte ni mare nna de wa ai shaloi gaw wulawng yang ngu na shamying ai hpe e ya jahta mare ngu na mying shingten lu mat wa ai re ngu na jahta mare de ai lam hpe e ngai ndai hpe kachyi mi tsun shalen mayu ai re.

Sources