Details

Latitude

25.234

Longitude

96.9165

Start Date

2017-02-14

End Date

2017-02-14

Moi 1985 dai ram aten hta re na sai, 70, 80 1987 dai hkan anhte ndai de jaw poi galaw re yang mung shara labwi htingnan ndai de nwa ai gaw i. Dai hto nambyu mare de nga, re na shi hpung masha ni hpe zimlum ai. Hto ra de na masha ni hpe sammung ga na htawt wa ai masha ni law law mung na ma ai. Dai aten hta she lani mi na nhtoi hta ma langai mi hpe ndai nambyu hka kaw na baren e dun sha la sha kau ai da. Hka kau kaw hkashin nga ai ma hpe garawt sha kau ai. Re jang gaw shanhte gaw gara hku nga tim ndai gaw galoi mung shiga ndai gaw nat nga ai, baren rawng ai dai re majaw baren re na sai ngu na sha tak lu ai. Dai majaw shara labwi htingnan hpe tsun dan ai shaloi gaw dai gaw hpungup shara labwi htingnan rai nga, re yang gaw sara hpungup sara gaw mare masha ni hpe ya nanhte mare masha ni wuloi ah hpraw lu ai i. Nga nni nga wuloi ah hpraw lu ai nga ai, wu la rai ra ai, nga ai nga dai mari ga ngu da. Yawng a matu rai ra na re, dai majaw gaw ya ndai baren hpe gaw sat kau na matu gaw mu hpe hkungga jaw ra ai. Nga u-hpaw jaw ra ai. Shi na hpang de kadai a kasha mung kade kasha mung baren e n la sha u ga matu gaw ndai mu hpe baren sat lu na matu mu hpe nga wuloi u hpraw sat ya ga ngu na mare masha ni yawng hpe myit jahkrum la na sara labwi htingnan gaw nga wuloi u hpraw dun tawn. Karai kasang kaw akyu hpyi, ah hkang hpyi ai gaw karai kasang e ndai anhte na mare na ma hpe baren e sha kau ya sai, dai majaw gaw karai kasang a ahkaw ahkang jaw yang gaw ndai nat hpe mung anhte shabrai jaw na wuloi uhpraw ndai shabrai jaw na shangun na, baren hpe sat kau shangun na, anhte ndang di lu ai, dai re majaw nat hpe shangun na ngu karai kasang kaw ahkang hpyi ai da. Dai di na moi shawng de nat jaw ai ten na anat hpe kaning ngu shaga ai, gara hku jaw ai, htung hte hkrak di na nat hpe e hkringdat shaga na tsun na dai nga hpe mung sat, moi na htung hte maren nga sat na shan kaning di shadu ai, kaning di mara jaw ai, gara hku dumsa, moi na dumsa ga gaw raw gaw nre le i, retim mung mi na raw di nna sat ai, mi na mu hpe gaw gara gara kaning ngu tsun shaga yang matsaw ningtsa nat hpe kaning ngu shaga yang du wa ai ngu gaw sara labwi gaw mi na dumsa ga ni kaw na matsing ai re majaw dai hku matsing na tsun matan dat jang dai shana gaw dai ma shabrang ma langai mi hpe e ma kaji langai mi hpe rim sha kau ya ai baren hpe mu ah chye kau na baren gaw lapu sha re da. Lapu kaba sha re na shinggan kaw hka shi hkarang hte daw mi garawt shapraw tawn da ai, ma ma kaga kaw taw nga re lam hpe e mu lu ai da. Dai majaw gaw anhte mu nga timmung karai kasang e shangun da ai mu re nna anhte karai kasang kaw hpyi nna shangun yang gaw shabyi shabrai jaw nna shangun yang gaw dai mu mung anhte shinggyin masha ni hpe garum lu ai aten mung nga ai ngu lam hpe mu lu ai. Mu lu ai, na lu ai, dai hpe gaw dai hpe mung ya na sara lamai tang gaw mu ah chye ai lapu ni dai sara labwi htingnan mu hpe e nga wuloi sat ya ai ten hta e kaning na tsun ai ni mu lu na lu sai wa re, maning nnga mat wa sai sara lamai tang ngai hpe bai hkai dan ai majaw ngai mung masha yawng bai chye lu na matu hkai dan nga nngai.

Sources