Details

Latitude

25.234

Longitude

96.9165

Start Date

2017-02-13

End Date

2017-02-13

Ya tsun na maumwi gaw tsap hte jaugawng rau n rum mat ai lam tsun na re nga ai. Moi shawng de jaugawng rau tsap gaw manang re ai. Tsap nga ai shara kaw gaw jaugawng gaw sa. Jaugawng nga ai shara kaw gaw tsap sa re na hku hku hkau hkau nga ma ai da. Dai shaloi lani mi na aten hta marang mung ja, mu mung ja re na she yawng nbung ni mung yawng ja re na jaugawng na nta gaw hten mat ai da. Hten mat re na she dai jaugawng gaw da kaning hku nchye di mat na tsap na nta hpun punghkaw galu law dai hpang wa dan la na shi nta galaw kau hkrup ai da. Dai shaloi tsap gaw e hkau jaugawng nang hpa na ngai na nta katawng kau ya ai ma ngu yang jaugawng wa gaw ngai ra na lang hkrup sai, tawngban sai yaw ngu na tsun kau ai da, dai kaw gaw naw rum shi ai da. Dai kaw gaw naw rum shi ai da, dai kade nna re shaloi jaugawng gaw jahkyi langai hpang gyam hkyen sai da. Gap hkyen hkyen re kaw tsap wa ndai wa nye nta hpang pa katawng ai, ngai ma naw gau kau na re ngu na shala ai myit hte gau jau dat ya ai wa jaugawng wa pawt mayu na tsap wa hpang gap dat hkrup ai tsap na na hku ashawt hkra mat ai da. Dai tsap gaw da kade nna re shaloi nang rau ngai gaw gara kaw hkrum tim nang si ngai si chyam hkat sai yaw ngu na tsun kau da na shi tsap wa nam sumlawng de shang mat wa ai ta, jaugawng wa gaw shaning 20 ning daram na re shaloi jaugawng wa gaw shi kasha rau nam hkawm bai hkawm ai da. Hkawm re shaloi tsap na di di re shawng kaw nga taw nga ai da. Ndai shi dum sai da, shi rau hkau ai wa re ngu na dum re na shi gaw hkau tsap wa ngu na shaga dat ai shaloi tsap wa gaw ga mung n shaga mat sai da. Kalang ta amya kap re hte shan wa 2 yen hprawng sai da. Hprawng hprawng re shaloi hka kaw du re shaloi hka hpung yawt hka hpungyawt re na hka nawng langai mi lai kau re hte dai tsap wa gaw hka nchye hpung yawt na she hka nawng oh hku gawai sai da, gawai re shaloi hkan shachyut sai da, hkan shachyut ai shaloi bum langai bai lai ai da. Dai hkan wa gaw te te lai ai da. Tsap wa gaw gari gawoi gayin re na lai lai hkan shachyut re shaloi shara mi kaw gaw krung re mat sai da. Krung re mat re shaloi jaugawng wa mung kaning hku nchye di mat na shi na dumhpau kaw na wantsi dawk da ai shachyen la re na she tsap wa gumhtawn sa wa ai shaloi gap kau dat ai hte 2 yen tsap wa ganaw wa ai hte maren krung de hkrat mat re na 2 yen si mat ai da. Re na kasha wa gaw dai shi kawa na mang lu la na matu krung de sumri hte yu re na la re na tsap hpang ma dun la re na tsap hpyi ndai gaw ngai ma ya kaw na hkrum yang tsap ni hpang sat sa na ngu da. Dai majaw dai shani kaw na ya du hkra tsap rau jaugawng ngu gaw mu ai hte gaw amya hkat gap hkat re ai da. Dai majaw tinang na manang wa na arai hpang ma hkra yang manang wa nra ai re chye jang nmai hkra ya ai da. Tinang na rai hpang ma hkra ya nra ai re yang manang wa na rai ma n mai hkra ai da.

Sources