Details

Latitude

25.234

Longitude

96.9165

Start Date

2017-02-13

End Date

2017-02-13

Moi shawng de e sanghpaw langai mi kaw e hkrun lam hkawm ai masha law law wa jawn na sa wa ma ai da. Dai shaloi she e dai sanghpaw li dai gaw n bung laru n myit mada ai n bung laru kaba hte e shanhte hkrum sha ai. Hkrum sha ai shaloi gaw shanhte sanghpaw li gaw kade mi shakut ai retim mung laru gaw grai kaba taw nga jang gaw n htu chyoi ai majaw sanghpaw gaw galau kaup wa na sha re sai da. Dai kaw sanghpaw li gawt ai wa mung kaning nchye di ai, sanghpaw kata na ni mung kyu hpyi ai ni hpyi marawn ai mung marawn, hkrap mung hkrap ai retim mung laru mung n zim hkraw ai majaw sanghpaw li gawt ai wa gaw kaning n chye di na dai sanghpaw hta ma kaji ni hte num ni ma grai lawm ai da. Re yang gaw dai ma kaji hte num ni hpe shi hkye na matu sanghpaw kaji langai mi shaga na bang dat ai. Re timmung dai sanghpaw dai gaw n bung laru n hkam lu ai majaw dai sanghpaw kaji mung bai kaup mat wa ai da. Shaloi she dai zawn re byin nga ai ten hta e num kasha langai mi asak 18 ning re num kasha langai mi shi gaw hka kau de e hkawm chyai na matu sa wa ai da. Hka kau de hkawm chyai na matu sa wa ai ten hta shi gaw dai zawn re na jam jau hkrum ai ni hpe e mu mada ai. Mu mada ai hte rau shi gaw grai hkye la mayu ai. Shi grai hkye la mayu ai majaw grai (chan) ai lam kadawng ntsa kaw na shi gaw myit htum myit si shi gaw yu hkrat wa ai. Yu hkrat wa na e dai masha ni hpe e sa hkye la ai shi mung laru kata kaw grai shakut ai hte langai hpang langai hpe dai hku sa hkye la lu ai da. Sa hkye la lu ai hte rau shi gaw hkaingau kaw du ai hte maren shi gaw grai ba na shi mung yup galeng ba na n dum mat wa ai da. Retim mung shi bai dum wa ai ten hta gaw dai sanghpaw li kaw na hkye la ai masha ni mung kashung ai hte shat kaw si ai hte rai na grai jam jau taw ai hpe bai mu jang gaw shi gaw dum wa ai hte maren shi a mare bai n htang wa na she masha marai law law hpe shaga la na dai ni hpe e atsawm sha woi lakawn la na malu masha ni dai hku na jaw ai hte e shanhte mung grai chyeju dum ai da. Grai chyeju dum ai hte dai numsha a lam hpe e dai mung na hkawhkam wa ni na ai shaloi gaw shi a atsam marai hpe e grai shnahte ni mung grai shakawn ai hte dai num kasha hpe e grai shagrau sha a jaw ma ai da. Dai hte maren tsawra myit a majaw shi mung ndang lu ai hpe retim mung grai shakut ai a majaw ndai zawn re na awng dang ai lam lu la ai da.

Sources