Details

Latitude

25.234

Longitude

96.9165

Start Date

2017-02-13

End Date

2017-02-13

Transcription (Lu Hkawng & Gam Yung) Ya tsun na gaw manau a lam rai nga ai. Moi kalang mi na hta anhte ni gaw manau ngu nchye nau chye ai ten hta jan ga kaw wa manau ni grai nau nna grai pyaw taw nga ma ai. Dai na jan ni gaw aw anhte ni grai pyaw ai majaw ya oh kaw nga nna gindin aga kaw nga nna anhte na manaw manang ni ma nau u ga anhte ni ya anhte manau nau na matu anhte saw shaga ga i ngu na shanhte jan ga na manaw manang ni yawng tim myit hkrum ti na shanhte gaw u ni hpe shaga ma ai, U ni hpe shawng shawng nna shaga u ni hpe shawng sa shaga u ni gaw lu wa sai. Laika du wa re she tsun ai, Oh anhte hpe e jan ga kaw na ni gaw manau nau na matu she saw shaga ma ai law u manaw manang ni e nanhte anhte sa na kun ngu na sa ga le ngu shanhte ni yawng gaw myit hkrum myit ra hte htaw jan ga de sa lung re na manau sa nau jan kaw na ni gaw kabu gara hte hkap tau la na shanhte ni hpe tsun ai gai nanhte ni ya na zawn nan kaw sa du ai majaw chyeju dum ai shaga ai hte du ai majaw chyeju dum ai, Dai majaw sa wa rit anhte hte rau pyaw ga manau nau ga manau nau ai ngu ai gaw grai pyaw ai myit grai simsa ai re ngu shanhte hpe dai hku tsun dat nna manau woi nau ai manau woi na nna u ni gaw grai pyaw na shanhte ni mani sumsai hte nau ai zawn grai mani sumsai hte manau ni nau nna shana jan du wa maga wa aten du yang gaw gai ya gaw manau hkring sa ai ten hkring sa na jan kaw na ni hpe tsun ai, Jan ga na ni hpe gai anhte ni naw wa sai yaw ngu jan ga ni gaw e law gau ngwi sha wa mu yaw ya hpang bai anhte bai manau bai nau wa ai shani bai shaga na bai myit hkrum myit ra bai ganau masum ga i ngu na shanhte shada da tsawra ai hte shanhte hka bra mat wa sai, Dai u ni gaw jan ga na wa ai grai pu ba ai majaw shanhte ni gaw grai ma pu ba sai pu ba sai majaw hpun kaba langai mi kaw sa hkring ai, Dai shanhte wa hkring ai hpun kaba gaw lagat hpun rai na hku nga, Dai kaw she hkring re she namsi ni ahkyen amyin re grai tu taw ai da, Dai hpun kaba kaw ahkyen amyin re si taw re she dai u ni gaw tsun ai da. Alar manang ni e nan kaw namsi ni grai law hkra si taw nga ai she rai nga ai le gai anhte ni di sha ga grai ma pu sai grai ma ba sai jan ga ngu ai grai tsan ai shara kaw na du ai dai majaw anhte grai puba sai hkring nga ai shaloi di sha ga i ngu tsun ai da. Nkau u ni gaw mai ai le di sha ga le i ngam ai u ni gaw tsun ai da. E manang ni e jahkring mi naw jahkring mi naw hkum di sha shi anhte ni gaw ya sha oh jan ga na du wa ai manau ma nau sharing la sai dai majaw anhte ndai hpe lu di sha na matu pyaw shawng pyaw ga manau shawng nau la ga kabu gara hte manau hpe shawng nau la ga ngu tsun ai da. E mai ai le ngu na shanhte u ni gaw myit hkrum myitra hte u ni gaw lahkawng ru ru re nna manau nau ai ke manau ni magyi magaw re amyu myu kumla ni galaw nna kumla ni galaw na manau nau ai, Shanhte ni manau nau ai grai pyaw taw nga ai u ni dai hku na grai pyaw na manau nau taw nga ai hpe she jahkai ma la kasha nga rem brang gaw dai wa gaw mu kau dat ai da. Hpun ntsa kawn mu dat ai. Ah gra dai ni gaw grai mau hpa she rai nga ai u ndai ni gaw dai hku na pyen hkawm ai gaw hpa baw byin ai ta ngu na she aw ndai gaw manau ngu shi gaw na ai hku nga, Aw ndai gaw manau she rai nga ai manau nau ai she rai nga ai dum sai ngu she shi gaw dai hpe mu la na she nan ndai masha ni hpe bai wa tsun dang ai madun dang ai da. Oh kaw u ni gaw oh kaw grai pyen tsawm taw nga grai pyaw taw nga ai rai nga ai ngu she dai hpe madun dang re dai shani kaw na dai masha ni dai hpe yu la ti na manau hpe aw ndai hku nau ai nga grai hkyat nga ai ndai gaw pyaw hpa lam she rai nga ai ngu dai hpe yu la nna gasi la nna gara hku galaw ai gara hku magyi ai gara hku magaw ai ni ma hkra yu la nna shanhte gaw dai hpe yu la na she anhte ma kabu ai lam ni mu yang gaw awn dan ai lam ni mu ai hpe dai ni na anhte ma kabu gara hte hkap tau nna hkalum la ga dai hku na manau nau ga ngu dai shani kaw na anhte shinggyim masha ni dai u hpe yu na manau hpe chye nau mat sai nga.

Sources