Details

Latitude

25.234

Longitude

96.9165

Start Date

2017-02-13

End Date

2017-02-13

Transcription (La Ring) Ya ngai tsun mayu ai maumwi a lam gaw maru amyu sha ni moi gaw nat jaw jaw na ya hpung de gale wa ai nhpabaw na gale wa ai lam hpe tsun mayu ai hku re. Moi shawng de da moi moi moi gaw da maru ni tim nat jaw jaw ai masha ni gaw da masha si yang da madum sumpyi ni hte dum yang gaw da nmai yup nga ai nmai yup nga ai ndai htung hkying ni nga ai da. Dai shaloi she i maru nta langai kaw da num sha langai si ai da. Ja Seng Nan ngu ai grai tsawm ai num sha langai si ai da. Num sha langai si ai shaloi gaw da dai mare kaw nga ai e dai nat jaw ai nat jaw jau ai ni gaw da dai kaw sa dum ya ai da madum sumpyi ni rau sa dum ya shana tup dai nat jaw jau sara dai mung i "Nang hpabaw sha mayu ai ndai Ja Nan ndai Ja Seng Nan hpe gaw nang nkaja ai de ndu u ga lo. Nang wa ra yang wa jaw na nang u ra yang u jaw na wuloi ra yang wuloi jaw na hpabaw lu sha yang hpabaw lu sha jaw na. Nang nan anhte hpe di di ga shaga u lo ra ra ra ra" dai hku ni tsun taw ai da. Dai hku ni tsun taw shaloi da dai kaw na sumpyi i sumpyi shup sheng ni dum taw ai la ni gaw kachyi mi yup nga mat ai da. Hkying shi lahkawng jan hkying langai hkying lahkawng ram rai yang kachyi mi myet sha nga mat. Kachyi mi myet nga mat tim bai rawt na bai dum ai da. Bai dum ai raitim mung da dai kaw gaw dai htung hkying kaw gaw nmai yup nga ai da. Yup nga sai hte gaw i dai si ai masha dai gaw i kaja ai de ndu ai sha nkaja ai de du ai majaw i dai majaw shanhte ni gaw i kachyi mi yup nga tim bai dum ai bai dum bai dum raitim mung da ndai si mat ai Ja Seng Nan ndai gaw da Ja Nan shi nat shayi de du mat ai da. Nat shayi de du mat re shaloi gaw i dai kawa gaw yup mang kaw mu ai da "Awa awa grai kahtet ai grai kahtet ai ngai le grai kahtet ai ngai le i ja nat shayi tai taw nga ai rai sa wa nanhte ngai si ai shaloi madum sumpyi ni dum ai shaloi atsawm ndum ya ai dai wa nanhte na mara re ai" ngu dai hku tsun ai da. Dai na dai kawa dai gaw tsun ai da dai kaw na dai kaw na dai nat jaw jau ai ni hte yawng hte rau dung rau jahta na she i "Ya anhte jaw jau taw ai ndai nat ndai gaw shi hpe kachyi mi mung nmai shut ai she rai nga anhte hku na ndai ram ting shi hpe jaw jau ndai ram hkungga shi hpabaw ra yang hpabaw shi hpabaw sha mayu yang hpabaw nlu tim pyi jaw nga tim mung shi hku na anhte hpe nye kasha hpe ndai hku di ya ra ai i. Shi gaw nhpabaw rai na wa shi gaw anhte hpe e shi nhpabaw ra yang anhte hpabaw galaw ya nga le, nlu tim hkoi shap na galaw ya rai nga le. Dai hpe shi wa ndai hku di ai gaw shi gaw grai nan nan ndai kalang gaw shi hku na shut ai law mat sai. Dai majaw anhte ni shi hpe njaw jau ai sha anhte ni kaga de kaga hpung de bai jaw jau ga" ngu dai hku tsun na ndai dai ndai hku ni tsun ai majaw ndai ndai hpung makam ngu gaw nga wa ai re. Ndai hpung makam nga wa ai na npawt nhpang gaw ndai nat shayi Ja Seng Nan a majaw re ai. Ya mung ndai Ja Seng Nan a labau hpe gaw e azi ni nre kadai mung chye ai ndai ndai i dai kaw na ndai azi ni hku na ma ndai nat hpe njaw jau ai sha anhte na hpung maga de gale wa ai ngu hpe tsun mayu ai hku re law.

Sources