Details

Latitude

25.234

Longitude

96.9165

Start Date

2017-02-12

End Date

2017-02-12

Ya ngai tsun na gaw Zinghtung pa hkau na pa kaw nga ai hka-u nat hka-u seng na lam tsun na re nga ai. Dai hka-u nat dai gaw masha ma mai tai ai hpung dagu rawng ai rai nga ai. Dai nat gaw lani mi na aten hta pyen na lai wa ai shaloi grai ntsawm ai la langai mi gaw dung na mau taw nga ai dai hpang mu kau da ai da. Dai kade nna ai shaloi la dai gaw hkauna shawt ai da, hkauna shawt yang mung mau mau re taw nga, shi nga rim sha let yu taw nga da. La ndai hpa baw re kun ngu na yu taw nga da, lani mi na aten hta gaw da la dai gaw n-gup kaw na tsun pru wa sai da. E ngai ndai ram ntsawm ai wa ngai hpang kadai mung nra la ma ai ngu, ya dinghku de na aten gaw lai wa nye kadai mung nra la ma ai hpu shawn na mung nlu, ngai hkrai re nga nye nu nye wa mung moi jau jau na bai si mat ngu na tsun ai da. Dai shaloi she dai hka-u num gaw aw ndai wa num ra taw nga ai re nga ai ngu hku na dai hka-u nat shayi dai wa gaw masha hku galaw re na shi ngau nga ai makau hku na shang wa ai da. Sa wa re shaloi e tsa ngai oh ra maga de na sa wa ai nsin sin mat di tsa ni na nta kaw manam na mai ai kun ngu yang, mai ai le ngu na shaga sa wa da, shaga wa re na shi na ginsum kaw woi yup ai da. Hpang jahpawt nga timmung dai shayi wa gaw nwa shi da. Hpang jahpawt nga yang mung nwa, shata hku na wa tim nwa nwa re na dai kaw na, e tsa dai ni kaw na ngai nang hpang bungli garum na le ngu da, nang hpang ngai shat shadu jaw na nang bungli sha galaw yaw ngu na dai kaw na shan yen 2 gaw dai hku na hku hkau mat na hku hkau mat na shan yen 2 gaw hkungran na nga mat ai da. Dai shaloi gaw dai hka-u seng hte dai la wa kaw gaw kasha langai mi prut pra wa ai da. Prut pra wa ai da, dai ma gaw hpung dagu ma rawng ai da. Hpung dagu ma rawng ai da, dai ma gaw da n-gun ma grai ja ai da. Dai shi na lata wa singkaw hpa hpa nan ja taw nga da, dai shi na lata wa ma nga tim ma zawn nre hkra ja ai da. Dai zawn zawn re kasha langai mi lu pru wa ai da. Dai shaloi ja gumhpraw yak hkak ai a marang e madu jan gaw tsun ai da, e na wa e ngai hpang ginsum langai mi gap ya rit ngu da, la dai gaw ginsum langai mi gap ya sai da. Kata kaw wa dai hka-u shan gaw shang mat ai da, dai shaloi chwin chwin nga (atan) ni hpa ni (nyar) ni nsen ni grai na wa ai da, grai na wa re na she la dai gaw hkum sa yu nga da ai re majaw nsa yu sai mat rai, hpang shana mung bai shang mat rai, 3 ya re jang 3 na re shaloi pru wa ai shaloi grai tsawm ai maka ni kap ai labu langai mi la pru wa ai da. Dai labu hpang wa dut u ndai labu hpang wa dut re na lu ai gumhpraw rau an hte na kan sha lam ni, nga sat nga sa ni hparan la ga ngu da. Dai gumhpraw hpang ma lang ma sai da, bai mat rai, bai shang re na chwin chwin nga ni nsen ni bai na na kaning re na mi ngai nmai yu ai gaw ngu na hku hku hku na wa lagu yu dat yang hka-u langai mi wa le pyen, oh pyen re na n-gup kaw na hkumbai kaw na ri ni shatai na gang shapru gang shapru re na dalang kaw hkrak hkrak nga singkaw ni gaw yit taw nga mu re na she dai la wa tsun ai da, dai la wa gaw tsun ai da, hka-u seng e, e seng e nang gaw hka-u she re ngai gaw masha nang rau ngai kaning hku nan nmai nga sha mat sai, dai ni dai na kaw na nang rau ngai hka ra sai yaw ngu kaw na hka-u wa mung pyen mat masha wa mung shi na kasha hpang ba re na oh jan shang ai maga hku na yawng re na yu re na dai dingdung maga de hkawm sa mat wa ai da.

Sources