Details

Latitude

25.234

Longitude

96.9165

Start Date

2017-02-12

End Date

2017-02-12

Ya ngai tsun na lam gaw jinghpaw mung kaw na nat gaw dai nhkum zau grawng na lam hpang tsun na nngai. Moi shawng de nam kaw jaugawng gau nna sak hkrung hkawm sa taw nga ai nhkum zau grawng ngu masha langai mi gaw lani mi na ten hta shi jaugawng gawng na ai ten hta chyahkyi langai mi hpang nat 2 jawm dun sha taw nga ai mu nna ndan rau gap dat ai. Ndan rau mung n hkra nna she sumgawn rau kabai dat ai shaloi nat 2 yen hpang dai sumgawn kaw lu rim kau ai. Dai sumgawn kata kaw na nat yen 2 hpang tsun ai, nanhte nat mare kade ram nga ai rai ngu yang, anhte ma nchye ai loh, anhte chye ai pyi naw kade kade wa re hti she ndang ai ngu da, dai hku re yang dai nat ni yawng hpang mu lu ai myi ngai e jaw ngu yang n dai ka-ang kaw myi, masha ni nmu lu ai myi langai mi shatu dat jaw ai da, dai myi kaw na nat ni yawng hpang mu ai da, kalang ta dai 2 hpang myi shatu dat ya ai hta wa dai makau kaw mare 3hprawng mat shi ai da, hprawng mat shi ai dai mu re na shi gaw hto moi na labau kaw na hkaigam na ntawng nhtu nga ai shara sagawn la re na shi wa na re na dai ntawng nhtu rau ningwut ningwut re na she jinghpaw mung oh, ndung kaw na oh lawu du hkra gawt yu wa ai shani shana shi nyup n sha re na shi gawt yu wa ai dai hpang jahtum nat ni hpang sammung maga de gawt bang kau ai dai sammung kaw mung nat dai ni dai hku sha naw galaw taw nga, shi gaw an na jinghpaw mung de gaw n sa sai, sammung kaw gaw hpami nga nga dai hpang she nawku ai majaw nga tim nra ai ngu hku na shi jinghpaw mung kaw na gawt kau ai da. Dai hpang kaw na sasana ni hpa ni nyar ni sa wa na dai hku na nat daw jau ai lam mat mat mat ai re ai da.

Sources