Details

Latitude

25.234

Longitude

96.9165

Start Date

2017-02-12

End Date

2017-02-12

Ya ngai tsun na lam gaw magyeng si a lam re. Magyeng si gaw n hpa re na tarin tarin re na kahtap kahtap re na dai hku byin ai lam hpang ngai tsun na nngai. Moi shawng de hpun ngu nga ai kaw na magyeng si hpun ngu ma nga ai, dai magyeng si hpun dai gaw moi shawng de gaw dai hku sha gaw gaw re nna galu law na dai hku sha re na si ai. Retim dai magyeng si kata kaw rawng taw nga ai tum ni wa shada da shan na shanhte ga law ai e hkau wa nang shamu shamawt let ngai na shara de lai wa nga le, dai hku nga tsun dat ai shaloi langai mi wa shamu shamawt let lai ai she re me hkau wa nang mung hpyi nyem ai law ngu da. Hpyi nem ai law ngu yang she dai langai mi wa gaw bai tsun sai da, nang mung shamu shamawt let lai wa nga ai zawn ngai na wa mung lai wa nga le shaga let, nang mung zim nga law nau hkum kadap, bye kajawn dat na ngu da. Shara lai ai ngu gaw tinang na shara kaw tinang zim re nga, nanhte shara lai wa jang nang ngai na maga de na ngai tum kumlat wa na matu dingbai dingla byin ai, nanhte shara hkum lai mu ngu da, dai shaloi gaw magyeng si tum ni gaw magyeng si wa nan nan tsun ai da. E wa e ngai kaw rawng nga ai tum ni gaw dai hku byin nga ai ngu na magyeng si hpun hpang tsun dan ai da, magyeng si hpun hpang tsun dan jang she magyeng si hpun mung kaning hku nchye di mat re na she dai shi na hpun kata de nga ai shi na hka chyup ai namhpun ni chyup ai ni hpang tsun ai da. Nanhte ni ya na chyup ai hkan ne ngai na asi kaw tarin tarin re na kahtap kahtap re lawm hkra chyup mu yaw ngu na tsun ai da. Dan re chyup shalawm jang she nang de tum ni shara kashun ai manghkang dai hku hparan lu ai ngu na tsun ai da, dai shaloi dai hka chyup ai wa shawng tsun ai da. Ngai chyup ai mung dai hku sha chyup ai me shi na shi dai hku she byin wa ai ngu na mara shagun ai da. Dai hka chyup ai wa gaw e hkau nang namhpun chyup ai wa shut sam nga ai gaw, nang atsawm naw shading sharai dat yu lu ngu da, dai shaloi hka chyup ai wa hpang bai namhpun chyup ai wa tsun ai da. Ngai mung dai hku sha chyup ai me nang zawn zawn sha chyup ai ngu da, nang rau ngai hpa nshai ai, nang rau ngai bungli arau galaw ai nang mung namhpun tam ai, ngai mung hka tam ai, nang rau ngai bungli hpa n shai ai ngu da, nang kaning rai na me ngai hpang mara shagun wa ai rai ngu na tsun ai da. Dai shaloi gaw kalang ta nang mung ya na namhpun lata na chyup nu, ngai mung hka lata na chyup na ngu na tsun re na she dai kaw na dai namhpun chyup ai hte hka chyup ai aru wa dai hku tsun ga nga bungli garan na chye galaw mat ai da. Dai kaw na ma magyeng si ngu ma din din re na kahtap kahtap re na nga ai da. Retim mung dai ni na magyeng si gaw dai hku din din re na kahtap ai, moi na magyeng si gaw n re ngu ga dai hpang ngai, ngai hku na dai hku labau hpang tsun dan mayu ai hku re.

Sources